23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
Անգելա Մերկելը հայտնել է, թե ինչ պայմանով ՌԴ-ն կարող է «Մեծ յոթնյակ» վերադառնալ
Քաղաքականություն
26.08.2019 | 17:47
Գերմանիայի կանցլեր Անգելա Մերկելը հայտնել է, թե որ պայմանի կատարման դեպքում Ռուսաստանը կարող է «Մեծ յոթնյակ» վերադառնալ: Այս մասին հայտնում է ՌԻԱ Նովոստին։
Մերկելն այս մասին հայտարարել է «Մեծ յոթնյակի» գագաթնաժողովում Ռուսաստանի և Ուկրաինայի թեմայի քննարկման ժամանակ:
«Գերմանիայի անունից ես հստակ հասկացրի, որ մինսկյան գործընթացի կյանքի կոչման հարցում մենք առաջընթացի կարիք ունենք»,- ասել է Մերկելը:
Նրա խոսքով՝ «Մեծ յոթնյակ» Ռուսաստանի վերադարձի մասին խոսելու համար անհրաժեշտ է հենց այդ պայմանավորվածությունների կատարումը: Մերկելն ընդգծել է, որ Գերմանիայի դիրքորոշումը սատարել են «Մեծ յոթնյակի» անդամ այլ երկրներ:
Նշենք, որ 2014 թվականին ստորագրված Մինսկի արձանագրությունը ենթադրում է կրակի դադարեցում Դոնեցկի և Լուգանսկի մարզերում, որոնք Ուկրաինան իր տարածքներն է համարում: Ավելի վաղ էլ Ուկրաինայի նախագահ Վլադիմիր Զելենսկին G7-ի ղեկավարներին հորդորել էր որպես ՌԴ-ի վերադարձի նախապայման առաջադրել Ղրիմի վերադարձը:
Նելլի Մելքոնյան
