14.12.2025 | 18:20
Թաիլանդն ու Կամբոջան շարունակում են ռազմական գործողությունները
Նեյմարը սպառնացել է հեռանալ «Բարսելոնայից»
12.05.2017 | 12:32
«Բարսելոնայի» բրազիլացի հարձակվող Նեյմարը կոնֆլիկտ ունի թիմի գլխավոր մարզիչ Լուիս Էնրիկեի օգնական Խուան Կարլոս Ունսուեի հետ: Բրազիլիայի հավաքականի 25-ամյա ֆուտբոլիստը նույնիսկ սպառնացել է հեռանալ կատալոնական ակումբից. գրում է sport.news.am-ը։
«Եթե Ունսուեն մնա «Բարսելոնայում», ես կհեռանամ ակումբից»,- Նեյմարի խոսքը մեջբերում է Mundo Deportivo-ը:
Ավելի վաղ նշվում էր, որ «Բարսելոնայի» մարզումներից մեկի ժամանակ Ունսուեն նկատողություն էր արել բրազիլացուն՝ կոչ անելով ավելի շատ կենտրոնանալ աշխատանքի վրա:
Հիշեցնենք, որ Լուիս Էնրիկեն այս մրցաշրջանի վերջում հեռանալու է «Բարսելոնայից», իսկ Կարլոս Ունսուեն նրան փոխարինողի թեկնածուների թվում է:
