14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Թրամփը և Մակրոնը պայմանավորվել են Ռուսաստանին «Մեծ յոթնյակ» վերադարձնել
Քաղաքականություն
21.08.2019 | 12:57
ԱՄՆ նախագահ Դոնալդ Թրամփն ընդունել է Ֆրանսիայի նախագահ Էմանուել Մակրոնի առաջարկը՝ Ռուսաստանին հրավիրել 2020 թվականին ԱՄՆ-ում կայանալիք G7-ի գագաթնաժողովին։ Այս մասին հայտնում է ՌԻԱ Նովոստի-ն՝ վկայակոչելով CNN-ի լրագրող Քայլի Աթվուդի թվիթերյան էջը:
Աղբյուրի փոխանցմամբ՝ ԱՄՆ-ի և Ֆրանսիայի ղեկավարները հեռախոսազրույցի ընթացքում համաձայնության են եկել, որ հաջորդ տարի անհրաժեշտ է Ռուսաստանին հրավիրել «Մեծ յոթնյակի» գագաթնաժողովին։ Լրագրողն իր թվիթերյան էջում գրել է, որ Ռուսաստանին G7 վերադարձնելը Մակրոնի գաղափարն է եղել։
Սպասվում է նաև, որ ԱՄՆ նախագահն այս հարցը կներկայացնի գալիք հանգստյան օրերին ֆրանսիական Բիարիցում անցկացվող G7-ի գագաթնաժողովի ընթացքում։
Ավելի վաղ նա հայտարարել էր, որ դեմ չի լինի Ռուսաստանի վերադարձին և G8 ձևաչափի վերականգնմանը։
Ավելի վաղ՝ օգոստոսի 19-ին Էմանուել Մակրոնը հանդիպել էր նաև Ռուսաստանի նախագահ Վլադիմիր Պուտինի հետ, որի ընթացքում վերջինը «Մեծ յոթնյակի» երկրների հետ ցանկացած շփում օգտակար էր անվանել և չէր բացառել G8 ձևաչափի վերականգնումը։ Այդուհանդերձ, ՌԴ նախագահն ընդգծել էր, որ G7 վերադառնալը Ռուսաստանի համար ինքնանպատակ չէ:
Նշենք, որ Ռուսաստանը դադարել էր «Մեծ յոթնյակի» հավաքներին հրավիրվել 2014 թվականից՝ Ղրիմում և Ուկրաինայում տեղի ունեցած իրադարձություննրիեց հետո:
Նելլի Մելքոնյան
