15.12.2025 | 17:57
Հայաստանը իրավունք չունի վատ հարաբերություն ունենալ որևէ հարևանի ու որևէ գերտերության հետ. Սամվել Կարապետյան
Խայտառակ տարբերություն է․ Սիլվա Ադամյանը՝ ուսումնասիրության անգլերեն-հայերեն թարգմանության մասին․ ՏԵՍԱՆՅՈՒԹ
Քաղաքականություն
19.08.2019 | 13:02
Մենք բոլորս դեմ ենք այս հանքի շահագործմանը, որովհետև կան շատ լուրջ խնդիրներ՝ կապված խորքային ջրերի, կենսաբազմազանության հետ: Factor.am-ի հետ զրույցում այս մասին ասաց Բաղրամյան 26-ի մոտ Ամուլսարի հանքի շահագործման դեմ կազմակերպված ակցիայի մասնակից, բնապահպան Սիլվա Ադամյանը:
«Բազմիցս բարձրացրել ենք նաև խնդիրներ՝ կապված կենդանիների միգրացիայի հետ, սակայն ոչ մի խնդիր չի լուծվել»,- ասաց բնապահպանը:
Սիլվա Ադամյանը կարծում է, որ ELARD ընկերությունը, որի փորձաքննության արդյունքները ՔԿ ղեկավարը ներկայացրեց Կառավարության նախորդ նիստում, իրականում փորձաքննություն չի իրականացրել, այլ պարզապես ուսումնասիրել է «Լիդիան»-ի տրամադրած թղթերը:
Մեր դիտարկմանը, թե բնապահպանները, կարծես, դժգոհ չեն փորձաքննության արդյունքներից, Սիլվա Ադամյանը պատասխանեց. «Իրականում, քանի որ ոչ բոլորն են լավ տիրապետում անգլերենին, ELARD-ի եզրակացության այն թարգմանությունը, որ մենք տեսանք, ուղղակի խայտառակություն է: Խայտառակ թարգմանություն է, որովհետև այն չի համապատասխանում անգլերեն տարբերակին»:
Մանրամասները՝ տեսանյութում:
