«Երեխայիս ներկայությամբ ապտակեց»․ բուլինգից ծագած միջադեպ՝ Բերդավանի դպրոցի բակում. ՏԵՍԱՆՅՈՒԹ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Ասմունքող Լիանա Զուրաբյանը երեկ տեսանյութ տարածեց՝ հայտարարելով՝ Նոյեմբերյան համայնքի Բերդավան գյուղի դպրոցի բակում անաչափահասը ֆիզիկական բռնություն է գործադրել իր նկատմամբ։ Պատմում է՝ Դպրոց էր գնացել 4-րդ դասարանում սովորող իր որդուն տուն տանելու, երբ նկատել է, որ մի քանի դեռահասներ հերթական անգամ ծաղրում են մտավոր առողջության հետ կապված խնդիրներ ունեցող տղային։

«Ամեն Անգամ Լևոնին դպրոց տանելուց ռեպլիկ, ցինիկ վիճակ։ Էսօր զգուշացրեցի, որ էդպիսի բաներ մի արեք, կնկարեմ, կգցեմ սայթ ձեզ։ Էդ խոսքիս բոլորը ցրվեցին, էդ մի անչափահասը իրան անկարգ պահելով, Լևոնին բրդելով, խփելով․․․Ինձ վրա ազդեց, մոտեցա, ասեցի, որ իրեն կարգի հրավիրի և 2 անգամ ստացա ուժեղ հարված ձախ կողմում»,-պատմում է կինը։

Տեղի ունեցածի վերաբերյալ ոստիկանություն հաղորդում են ներկայացրել թե՛ Լիանա Զուրաբյանը, թե՛ դեռահասը։ Տղան դիմել է ոստիկանություն ու հայտնել, որ Զուրաբյանն էլ իրեն է խփել, իր ձեռքը վնասվել է։

«Դեպքի առթիվ նախաձեռնվել է քրեական վարույթ՝ քրեական օրենսգրքի 195-րդ հոդվածի առաջին մասով՝ ֆիզիկական ներգործությունը, 297-րդ հոդվածի առաջին մասով՝ խուլիգանությունը, և 194-րդ հոդվածի առաջին մասով՝ հոգեկան ներգործությունը։ Մյուս կողմի ներկայացրած հաղորդման հիման վրա ևս նախաձեռնվել է քրեական վարույթ՝ քրեական օրենսգրքի 195-րդ հոդվածի առաջին մասով՝ ֆիզիկական ներգործությունը, 297-րդ հոդվածի առաջին մասով՝ խուլիգանությունը»,-հայտնեց ՔԿ տեղեկատվության և հասարակայնության հետ կապերի բաժնի պետ Անուշ Շահվերդյանը։

Սա մարտի ընթացքում գրանցված արդեն 2-րդ նմանատիպ միջադեպն է։ Առաջինը տեղի էր ունեցել Վաղարշապատի դպրոցի 10-րդ դասարանցիների միջև, երեխաներից մեկին վնասվածքներով տեղափոխել էին բժշկական կենտրոն։ Իրավապաշտպան Զարուհի Հովհաննիսյանի խոսքով՝ բուլինգի բազմաթիվ դրսևորումներ հաճախ անուշադրության են մատնվում։ 

«Այդպիսի դեպքերը բավականին շատ են և շատ հաճախ չեն բարձրաձայնվում, դպրոցներում կոծկվում են ինչ-որ տեղ, փորձ է արվում, օրինակ, տնօրենների կամ այլ անձանց կողմից կոծկվել, չբարձրաձայնվել, ինչ-որ տեղ նաև դպրոցի համբավը չարատավորելու համար։ Այդպես են դիտարկվում, բայց ի վերջո, դա վնաս է հասցնում կոնկրետ երեխային և հասարակությանը, որը այդ արատավոր նորմերը և պրակտիկաները թողնում է անպատասխան»,-նշեց Հովհաննիսյանը։

Իրավապաշտպանի խոսքով՝ երկար ժամանակ նվաստացումների ենթարկված անձը ավելի է հակված լինում բռնության։ Հասարակության անտարբերությունը բուլինգի կամ արժանապատվության նվաստացման դրսևորումների նկատմամբ ծնում է հետագա ավելի ծանր հանցագործություններ։

«Մենք ծնողավարության հետ կապված հսկայական խնդիր ունենք մեր հասարակության մեջ, և ես կարծում եմ, որ դրանով շատ լուրջ պետք է զբաղվենք և ռազմավարություններ մշակենք՝ ինչպես ծնողներին բերել բռնությունից դուրս դաշտ և այդ դաշտում փորձել փոխանցել արժեքներ, որոնք բռնության հետ համատեղելիություն չունեն»,-նշեց նա։

Քննչական կոմիտեից հայտնում են՝ 2 վարույթով նախաքննություն է ընթանում։

Եվգենյա Համբարձումյան