02.07.2026 | 16:56
Ինչ-որ մի տեղում բեռնատարները կանգնել են նաև լեզվական խնդիրների պատճառով. Փաշինյան․ ՏԵՍԱՆՅՈՒԹ
Թուրքիան խստորեն դատապարտել է Նախիջևանի վրա իրանական ԱԹՍ-ների հարձակումը
Քաղաքականություն
05.03.2026 | 19:46
Թուրքիայի արտաքին գործերի նախարարությունը խստորեն դատապարտել է «Ադրբեջանի Նախիջևանի Ինքնավար Հանրապետության դեմ իրականացված իրանական անօդաչու թռչող սարքերի հարձակումները»։
Հայտարարության մեջ նշվում է, որ այդ հարձակումները սպառնում են տարածաշրջանի կայունությանը։
«Մենք խստորեն դատապարտում ենք այսօր Նախիջևանի Ինքնավար Հանրապետության դեմ իրականացված անօդաչու թռչող սարքերի հարձակումները։ Մենք ևս մեկ անգամ ընդգծում ենք, որ տարածաշրջանի երրորդ երկրներին ուղղված և պատերազմի տարածման ռիսկը մեծացնող հարձակումները պետք է անհապաղ դադարեցվեն»,- ասվում է հայտարարությունում։
Ընդգծվում է Թուրքիայի հանձնառությունը Բաքվի հետ համերաշխությանը. «Թուրքիան, ինչպես միշտ, կշարունակի աջակցել Ադրբեջանին»։
Թարգմանությունը՝ Էմմա Չոբանյանի
