27.10.2026 | 00:08
Վարդան Մինասյանն աշխատանքի է անցել Լիբանանում
Իրանի ԶՈՒ-ն 4 անօդաչու է ուղղել դեպի Նախիջևան. Ադրբեջանի ՊՆ
Քաղաքականություն
05.03.2026 | 17:27
Իրանի զինված ուժերի գլխավոր շտաբի հայտարարությունը, որ Թեհրանը հարգում է բոլոր երկրների, մասնավորապես, մահմեդական և հարևան պետությունների ինքնիշխանությունը, և Իրանի կողմից Ադրբեջանի դեմ այսօր իրականացված անօդաչու թռչող սարքերի հարձակումների ժխտումը ոչ մի կերպ չի կարող ընդունելի համարվել։ Այս մասին ասվում է Ադրբեջանի Պաշտպանության նախարարության հայտարարության մեջ։
Հաղորդվում է, թե տեխնիկական միջոցներով հայտնաբերվել է, որ Իրանի զինված ուժերը չորս անօդաչու թռչող սարք են ուղղել դեպի Ադրբեջանի Նախիջևանի շրջան՝ հարձակումներ իրականացնելու համար։ Դրանցից մեկը վնասազերծվել է ադրբեջանական բանակի կողմից, իսկ մյուսները թիրախավորել են քաղաքացիական ենթակառուցվածքները, այդ թվում՝ միջնակարգ դպրոցի շենքը դասերի ժամանակ։
«Անօդաչուն, որն ուղղված էր ավագ դպրոցի շենքին, բարեբախտաբար, չի հասել նպատակին և դպրոցի մոտակայքում անկումից հետո պայթել է։ Հաշվի առնելով վերը նշվածը՝ մենք ակնկալում ենք, որ Իրանի Իսլամական Հանրապետության զինված ուժերը կդադարեցնեն իրենց ժխտումները, ներողություն կխնդրեն միջադեպի համար և Իրանի համապատասխան մարմինների կողմից կպատժեն պատասխանատուներին»,- ասվում է հայտարարության մեջ։
Թարգմանությունը՝ Էմմա Չոբանյանի
