07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
Թեհրանը հերքում է Նախիջևանին հարվածած ԱԹՍ-ների հետ կապը. Ադրբեջանի և Իրանի ԱԳ նախարարները հեռախոսազրույց են ունեցել
Քաղաքականություն
05.03.2026 | 19:55
Ադրբեջանի և Իրանի արտաքին գործերի նախարարներ Ջեյհուն Բայրամովն ու Աբբաս Արաղչին հեռախոսազրույց են ունեցել։ Անդրադառնալով Նախիջևանի Ինքնավար Հանրապետության վրա ԱԹՍ-ների հարձակմանը՝ Արաղչին ասել է, որ Իրանի զինված ուժերը անհրաժեշտ հետաքննություն են անցկացնում այս հարցի շուրջ, գրում են իրանական լրատվամիջոցները։
Միաժամանակ, Արաղչին հերքել է Ադրբեջանի դեմ որևէ հարձակում։ Իրանի արտաքին գործերի նախարարը նշել է, որ դա կարող էր իրականացվել Իսրայելի կողմից՝ երկու երկրների հարաբերությունները խաթարելու համար։ Նա ասել է, որ վերջին օրերին նման այլ օրինակներ են նկատվել։
Իրանցի նախարարը նաև ափսոսանք է հայտնել Ադրբեջանի քաղաքացիների վիրավորվելու կապակցությամբ և մաղթել նրանց առողջություն։ Նա նաև ընդգծել է Իրանի Իսլամական Հանրապետության բարիդրացիական քաղաքականությունն Ադրբեջանի հետ՝ հավելելով, որ Թեհրանը ցանկանում է ընդլայնել հարաբերությունները Բաքվի հետ բոլոր ոլորտներում։
Ադրբեջանի ՊՆ-ն ավելի վաղ հայտնել էր, որ Իրանի ԶՈՒ-ն 4 անօդաչու է ուղղել դեպի Նախիջևան, որից մեկը վնասազերծվել է ադրբեջանական բանակի կողմից։
Թարգմանությունը՝ Էմմա Չոբանյանի
