15.05.2026 | 11:03
Հայաստանն ու ԱՄՆ-ը քննարկել են համագործակցությունը կրիտիկական հանքանյութերի ոլորտում
Լևոն Արոնյանը՝ Սենթ Լուիսի սուպերմրցաշարի հաղթող․ մրցանակը՝ 37 հազար 500 ԱՄՆ դոլար
15.08.2019 | 21:25
Լևոն Արոնյանը դարձավ ԱՄՆ-ի Սենթ Լուիսում ավարտված Grand Chess Tour-ի հերթական խաղարկության հաղթող: Այս մասին տեղեկանում ենք ՀԱՕԿ կայքից։
Այստեղ շախմատիստները միմյանց հետ մրցում էին արագ և կայծակնային շախմատի կանոններով: Երեկ տեղի ունեցան բլից մրցաշարի վերջին 9 տուրերը:
Արոնյանը առաջին պարտիայում սևերով զիջեց Սերգեյ Կարյակինին (Ռուսաստան), հաջորդում՝ սպիտակներով հաղթեց ադրբեջանցի Շահրիյար Մամեդյարովին, դրանից հետո սևերով պարտության մատնեց չինացի Դին Լիժենին:
Հաջորդ 3 տուրերում Արոնյանը ոչ-ոքի խաղաց Ֆաբիանո Կարուանայի, Յու Յանյիի և Լինիեր Դոմինգեսի հետ, հետո սևերով պարտության մատնեց հունգարացի Ռիչարդ Ռապորտին, ոչ-ոքի խաղաց Մագնուս Կարլսենի հետ: Վերջին պարտիայից առաջ Արոնյանն ուներ 22 միավոր, Յու Յանյին՝ 21, Վաշյե-Լագրավն ու Դին Լիժենը 20.5-ական միավոր:
Վերջին պարտիայում Լևոնը սպիտակներով պարտվեց Վաշյե-Լարգավին, իսկ Յու Յանյին ոչ-ոքի խաղաց Մամեդյարովի հետ: Լևոն Արոնյանը բլից մրցաշարում վաստակեց 9 միավոր և Կարլսենի հետ միասին բաժանեց 4-5-րդ տեղերը, իսկ երկու մրցաշարերի գումարային արդյունքով վաստակեց 22 միավորով և ճանաչվեց Սենթ Լուիսի մրցաշարի հաղթող: Այս հաղթանակից հետո Արոնյանը վաստակեց 37 500 ԱՄՆ դոլար:
