23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
ԱՄՆ-ն 2-րդ զինվորական պատվիրակությունը կուղարկի Թուրքիա
Քաղաքականություն
14.08.2019 | 10:53
Սիրիայում ստեղծվելիք անվտանգության գոտու հարցով առաջիկայում ԱՄՆ-ից ևս մեկ պատվիրակություն կմեկնի Թուրքիա։ Այս մասին հայտնել է Պենտագոնի խոսնակներից մայոր Շոն Ռոբերթսոնը, գրում է ermenihaber.am-ը։
«Թուրքիայում գտնվող զինվորականները ՆԱՏՕ-ի մեր դաշնակցի հետ աշխատում են։ Այդ աշխատանքներին աջակցելու նպատակով մոտ ժամանակներս Թուրքիա կմեկնի ևս մեկ զինվորական պատվիրակություն»,- ասել է մայորը։
Ամերիկացի զինվորականները Թուրքիայում քննարկելու են անվտանգության գոտու համակարգման և ղեկավարման համատեղ գործողությունների կենտրոնի ստեղծման հարցը, որի շուրջ համաձայնությունը ձեռք էր բերվել Անկարայում կայացած եռօրյա թուրք-ամերիկյան բանակցությունների ընթացքում:
Թեև թուրքական լրատվամիջոցները հայտնում էին, թե ԱՄՆ-ի ու Թուրքիայի միջև ձեռք է բերվել պայմանավորվածություն Սիրիայում անվտանգության գոտի ստեղծելու հարցի շուրջ, այնուամենայնիվ, հրապարակված հայտարարության մեջ որևէ խոսք չկար անվտանգության գոտու սահմանների, ինչպես նաև Սիրիայի քուրդ զինյալերի մասին։
Հիշեցնենք, որ ԱՄՆ-ն պահանջում է, որ անվտանգության գոտին ունենա մինչև 14կմ խորություն, իսկ Թուրքիան ցանկանում է մինև 40կմ խորություն։
Թուրքական կողմը նաև պահանջում է, որ իր կողմից ահաբեկչական համարվող Սիրիայի քրդական ուժերը դուրս գան ստեղծվելիք ավտանգության գոտուց։
Անկարան ԱՄՆ-ին նաև սպառնում է միայնակ ստեղծել այդ անվտանգության գոտին, եթե երկուստեք չհաջողվի վերջնական համաձայնության գալ։
