05.08.2026 | 20:49
Ադրբեջանն արգելել է 16 տարեկանից փոքր երեխաներին գրանցվել սոցցանցերում
Թուրք զինվորականը Հունաստան է փախել և քաղաքական ապաստան խնդրել
Քաղաքականություն
13.08.2019 | 11:39
Թուրք զինվորականը Հունաստան է փախել և քաղաքական ապաստան խնդրել: Նա Թուրքիայի ռազմաօդային ուժերի սպա է: Այս մասին հաղորդում է ՏԱՍՍ-ը:
Զինծառայողը հունական տարածք է անցել երկուշաբթի: Նրան ձերբակալել են և հանձնել հունական Կալիմնոս կղզու իրավապահներին:
Նախնական տեղեկություններով՝ թուրք սպան Հունաստան է անցել՝ «Էրդողանի կառավարությունից թաքնվելու համար»:
Նշենք, որ 2016 թվականի հուլիսին Հունաստան էր փախել 8 թուրք զինվորական, որոնք, թուրքական կողմի պնդմամբ, մասնակցել են նույն թվականի հուլիսի 15-ի պետական հեղաշրջման փորձին: Նրանք հունական տարածք են հաել ռազմական ուղղաթիռով: Հունական դատարանը մերժել էր նրանց արտահանձնելու՝ Անկարայի պահանջը՝ պատճառաբանելով, որ հայրանիքում նրանք չեն կարող արդար դատավարության հույս ունենալ և կարող են ենթարկվել կտտանքների:
