14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Աթամբաևին պետական հեղաշրջում կազմակերպելու մեղադրանք է առաջադրվել
Քաղաքականություն
13.08.2019 | 11:07
Ղրղզստանի Ազգային անվտանգության պետական կոմիտեի ղեկավար Օզորբեկ Օպումբաևը երկրի նախին նախագահ Ալմազբեկ Աթամբաևին մեղադրել է պետական հեղաշրջում կազմակերպելու մեջ: Այս մասին գրում է ՌԻԱ Նովոստին:
«Աթամբաևին արյուն էր պետք, ես բացահայտ հայտարարում եմ: Նրան արյուն էր պետք պետական հեղաշրջման համար»,- հայտարարել է նա:
Օպումբաևի խոսքով՝ նախկին նախագահը պատրաստվել է իր նստավայրի մոտ բախման. նրա առանձնատանը զենքի պահեստ են գտել, իսկ տան երրորդ հարկն ամրացված է եղել ինչպես զինվորական բունկեր՝ պաշտպանության համար:
Ազգային անվտանգության կոմիտեի ղեկավարն Աթամբաևին մեղադրել է նաև հատուկջոկատայինների ուղղությամբ կրակելու համար:
Ավելի վաղ Աթամբաևը խոստովանել էր, որ իրեն ձերբակալելու փորձի ժամանակ զենք է կիրառել, բայց փորձել է «չկրակել տղաների վրա»: Նա նաև ափսոսանք է հայտնել, որ բազմաթիվ անմեղ մարդիկ են տուժել:
Հիշեցնենք, որ անցած չորեքշաբթի նախկին նախագահի մի քանի հարյուր կողմնակիցներ հավաքվել էին նրա տան մոտ, հատուկջոկատայինները հատուկ միջոցներ են կիրառել, ի պատասխան՝ Աթամբաևի կողմից նույնպես կրակ են բացել: Մեկ հատուկջոկատային զոհվել է, 136 մարդ՝ տուժել:
Երկարատև բանակցություններից հետո Ալմազբեկ Աթամբաևը հաջորդ օրվա երեկոյան հանձնվել է: Նախկին նախագահը մինչև օգոստոսի 26-ն անազատության մեջ կմնա:
