30.04.2026 | 19:47
Չեմպիոնների լիգայում հայտնի է շաբաթվա լավագույն ֆուտբոլիստը
Ղրղզստանի նախկին նախագահին ձերբակալել են
Քաղաքականություն
08.08.2019 | 16:00
Ղրղզստանի իրավապահները ձերբակալել են երկրի նախկին նախագահ Ալմազբեկ Աթամբաևին: Այս մասին ՏԱՍՍ-ին հաղորդել են պետության նախկին ղեկավարի շտաբում:
«Աթամբաևը դուրս է բերվել իր նստավայրի տարածքից իրավապահ մարմինների աշխատակիցների կողմից»,- ասել է շտաբի ներկայացուցիչը: Նրա խոսքով՝ Աթամբաևի հետ միասին նստավայրից դուրս են բերվել նաև նրա մի շարք համախոհներ, այդ թվում՝ նախագահական ապարատի նախկին ղեկավար Ֆարիդ Նիյազովը:
Ղրղզստանի ՆԳՆ-ում հաստատել են ձերբակալության փաստը: «Ձերբակալությունից հետո Աթամբևին տեղափոխել են ՆԳՆ Գլխավոր քննչական վարչություն: Ոչ մի ճնշում նախկին նախագահի նկատմամբ չկա, նրա բոլոր իրավունքները պահպանվում են»,- ասել է գերատեսչության ներկայացուցիչը:
Երկրի նախկին նախագահին ձերբակալելու հատուկ գործողությունը շուրջ մեկ օր է տևել: Նախօրեին հատուկջոկատայինների գրոհն անհաջողության էր մատնվել: Փոխհրաձգության հետևանքով մեկ հատուկջոկատային է զոհվել, 52 մարդ, այդ թվում՝ լրագրող և իրավապահներ, վիրավորվել է:
Այսօր մի քանի հազար ոստիկանների և հատուկջոկատայինների մասնակցությամբ երկրորդ գրոհի փորձն է ձեռնարկվել:
