02.09.2026 | 12:06
Պաշտոնանկություններ ԿԳՄՍՆ-ում․ Փաշինյանը որոշումներ է ստորագրել
Դամասկոսը դեմ է Սիրիայում անվտանգության գոտու հարցով Թուրքիայի և ԱՄՆ-ի համաձայնությանը
Քաղաքականություն
08.08.2019 | 15:30
Սիրիական իշխանությունները կտրականապես դեմ են երկրի հյուսիս-արևելքում, այսպես կոչված, «անվտանգության գոտու» ստեղծման հարցով Թուրքիայի և ԱՄՆ-ի համաձայնությանը, քանի որ այն առնչվում է Սիրիայի ինքնիշխանությանը: ՌԻԱ Նովոստի-ի փոխանցմամբ՝ այս մասին ասված է արաբական հանրապետության ԱԳՆ-ի հայտարարությունում:
Թուրքիան և ԱՄՆ-ն համաձայնություն են ձեռք բերել Սիրիայի հյուսիսում՝ Եփրատ գետից արևելք անվտանգության գոտու ստեղծման համար համատեղ գործողությունների մասին: Anadolu գործակալության հաղորդմամբ՝ թուրք-սիրիական սահմանի երկայնքով 30-40 կմ լայնությամբ անվտանգության գոտին վերահսկվելու է Թուրքիայի կողմից՝ ԱՄՆ-ի հետ համակարգմամբ, քրդական կազմավորումների անդամները պետք է հեռանան այդ տարածքից և հանձնեն ծանր սպառազինությունը:
Սիրիայի ԱԳՆ-ն հայտարարել է, որ կտրականապես դեմ է «օկուպանտ Թուրքիայի և ԱՄՆ-ի ծրագրերին»: «Այս համաձայնությունն ակնհայտ հարձակում է Սիրիայի ինքնիշխանության և երկրի տարածքային ամբողջականության դեմ, ինչպես նաև ՄԱԿ-ի Կանոնակարգի և միջազգային իրավունքի սկզբունքների կոպիտ խախտում»,- ասված է հայտարարությունում:
Դամասկոսում նաև նշել են, որ այս համաձայնությունը բացահայտեց «Սիրիայի դեմ ագրեսիայի գործում Անկարայի և Վաշինգտոնի համագործակցությունը»:
Սիրիան արաբական ժողովուրդներին խորհուրդ է տվել զգույշ լինել Թուրքիայից, իսկ ՄԱԿ-ին ու միջազգային հանրությանը կոչ է արել դատապարտել Անկարայի գործողությունները:
