16.09.2026 | 17:53
Լիտվայի նախագահը հայտարարել է, որ երկրի օդային տարածքում խոցված անօդաչու սարքը ռուսական է
«Երբ իրավունք ունես, պետք է խոսես ու բարձրաձայնես». Կարո Փայլանը պարգևատրվեց ԵՊՀ ոսկե մեդալով (լուսանկարներ)
Հասարակություն
19.09.2017 | 16:50
ԵՊՀ արևելագիտության ֆակուլտետում Թուրքիայի Մեջլիսի պատգամավոր Կարո Փայլանին ուսանողները հոտնկայս ու ծափողջույններով դիմավորեցին: «Հարգելի ուսանողներ, ուրախ եմ, որ Հայաստանում եմ, որ առիթ կա ձեզ հետ հանդիպելու: Գիտեք, որ Թուրքիայի քաղաքացի եմ և Մեջլիսի պատգամավոր, առաջին անգամ է, որ որպես պատգամավոր ՀՀ-ում եմ»,- իր խոսքում ասաց Փայլանը:
Ի պատասխան հարցի, թե ինչպես է պատկերացնում Հայաստան-Թուրքիա դիվանագիտական հարաբերությունների խնդիրը, Փայլանը շեշտեց՝ միայն ժողովրդավարական Թուրքիան կարող է առերեսվել Ցեղասպանության հետ:
«Բայց Թուրքիայի մեջ ժողովրդավար թուրքեր էլ կան, բայց, ցավոք, պետական մոտեցումն այլ է»,- նկատեց նա:
Փայլանն ասաց, որ արդարության ջատագով շատ ընկերներ ունի, սակայն քանի որ մամուլն ազատ չէ, վերջիններիս խոսքը չի դրսևորվում մամուլում:
Փայլանի խոսքով հանդիպում է ունենալու Արտաքին գործերի նախարարի հետ: Իսկ ո՞րն է այն ուժը, որը ստիպում է չնահանջել՝ հարցին Թուրքիայի մեջլիսի պատգամավորը շեշտեց՝ երբ իրավունք ունես, պետք է խոսես ու բարձրաձայնես:
Սեդա Ղուկասյան
