15.06.2026 | 19:57
Քրեական ոստիկանները բացահայտել են համակարգչային հափշտակություններ կատարող հանցավոր խմբի գործունեությունը. ՆԳՆ
Կեղծ օրակարգ է. ԿԳ նախարարը՝ ռուսաց լեզվի շուրջ բարձրացված աղմուկի մասին
Քաղաքականություն
19.09.2017 | 14:56
Հայաստանն ինքնիշխան երկիր է, որտեղ միակ պետական լեզուն հայերենն է: Այս մասին այսօր մարզահամերգային համալիրում լրագրողների հետ զրույցում հիշեցրեց ՀՀ ԿԳ նախարար Լևոն Մկրտչյանը՝ անդրադառնալով ռուսաց լեզվի դասավանդման խորացման շուրջ ստեղծված աղմուկին:
Ըստ նախարարի՝ եթե ցանկանում ենք, որ Հայաստանը դառնա բնական գիտությունների տարածք, պետք է օտար լեզուների դասավանդման որակը կտրուկ բարձրանա:
«Հայեցակարգով ընդամենը տրված է այդ որակի բարձրացման մեխանիկան, որին կհետևի ծրագիրը, որևէ այլ քաղաքական ենթատեքստ չկա այստեղ»,- նշեց Մկրտչյանը՝ կեղծ օրակարգ որակելով այն պնդումները, թե ռուսերենին պետական կարգավիճակ է տրվելու:
Հիշեցնենք՝ վարչապետ Կարեն Կարապետյանի հանձնարարականով Կրթության և գիտության նախարարությունը մշակել է դպրոցներում ռուսաց լեզվի դասավանդման հայեցակարգ, հռչակում է, ըստ որի՝ Հայաստանում ռուսերենի ուսուցումը կարևորագույն խնդիրներից է:
Մանրամասները՝ տեսանյութում:
Շողիկ Գալստյան
