01.07.2026 | 08:52
ԱԱ-2026. Մեքսիկան 1/8 եզրափակիչում է. ՏԵՍԱՆՅՈՒԹ
Նախատեսված չէր, որ մեկ ամիս շարունակ 40-ից ավել կարող է ջերմաստիճանը բարձր լինել. Տարոն Մարգարյան
Հասարակություն
19.09.2017 | 13:24
Երևանի քաղաքապետ Տարոն Մարգարյանը Կարեն Դեմիրճյանի անվան մարզահամերգային համալիրում այսօր պատասխանել է րագրողների հարցերին:
-Իրատեսական համարո՞ւմ եք 2040 թվականին 4 մլն բնակչություն ունենալը:
-Բոլորս միասին պետք է մեր տնտեսությունը զարգացնենք, որ այդ ամենն իրականություն դառնա: Եվ համարում ենք, որ մեր միջնաժամկետ և երկարաժամկետ ծրագրերը տանում են դրան:
-Սփյուռքահայերն ասում են, որ իշխանությունները չեն ստեղծում բարենպաստ պայմաններ և, օրինակ, կա գործարար, որը պնդում է, թե 4 անգամ խնդիրներ է ունեցել և որևէ աջակցություն չի ստացել:
-Մենք բազմիցս ենք հայտարարել, այսօր էլ հայտարարում ենք՝ այն ներդրողները, ովքեր ցանկություն ունեն ներդրում անելու, քաղաքապետարանն իր լիազորությունների շրջանակում պատրաստ է աջակցել:
-Ինչո՞վ եք բացատրում այն, որ քաղաքում կեղտոտ հոտը շատացել է:
-Շոգ եղանակն է ամենակարևորը. այս տարի աննախադեպ շոգ է եղել, բայց ես համաձայն չեմ, արդեն հոտը նվազում է, օր օրի նկատում ենք դրական շարժ: Այո, եղել են խնդիրներ, բայց խնդիրներին պետք է ըմբռնումով մոտենանք, քանի որ նախատեսված չէր կամ ոչ մեկը չէր պատկերացնի, որ մեկ ամիս շարունակ 40-ից ավել կարող է ջերմաստիճանը բարձր լինել, բնականաբար այդտեղ առաջանում են խնդիրներ:
Մանրամասները՝ տեսանյութում:
Շողիկ Գալստյան
