05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Վարչապետի հարցով ՀՀԿ-ն որոշում չունի. Կարեն Կարապետյան
Քաղաքականություն
19.09.2017 | 13:01
«Մասնավոր անձանց կարծիքները թույլ տվեք չմեկնաբանեմ, օֆիցիալ Հանրապետական կուսակցության կարծիքը երբ լինի, հարց տվեք: Դուք կուսակցության օֆիցիալ կարծիքը լսե՞լ եք, ո՛չ, երբ լինի այն ժամանակ կխոսենք»,- այս մասին այսօր Կարեն Դեմիրճյանի անվան մարզահամերգային համալիրում հայտարարեց ՀՀ վարչապետ Կարեն Կարապետյանը՝ խոսելով այն մասին, թե ով ի վերջո 2018 թվականին կստանձնի վարչապետի պաշտոնը:
Կարապետյանի խոսքով՝ այդ հարցի հետ կապված ՀՀԿ-ն դեռ որոշում չունի, հենց որոշում կայացվի, այդ մասին կհայտարարվի:
Անդրադառնալով արտագաղթի տեմպերի աճին՝ վարչապետն ընդգծեց՝ «միգրացիոն գործընթացներ բոլոր երկրներում կան, բայց պետք է այնպես անել, որ Հայաստանը դառնա զարգացող, հաջողակ երկիր»:
Factor.am-ը վարչապետից հետաքրքրվեց՝ հավատո՞ւմ է, որ 2040 թվականին Հայաստանի բնակչության թիվը կհասնի 4 մլն-ի՝ այս տեմպերով շարունակվելու պարագայում, Կարապետյանը պատասխանեց. «Այո, եթե մենք տնտեսության աճ ապահովենք, աշխատատեղեր ստեղծենք, եթե այստեղ գործ անելը, շուկան մեծացնելը, ինչի մասին քիչ առաջ խոսում էինք , համարում եմ հնարավոր»:
Հստակեցնող հարցին՝ այդ ամենը հնարավոր կլինի՞, եթե վարչապետը չլինի կառավարության ղեկին, Կարապետյանն արձագանքեց. «Դա կստացվի , եթե նույնիսկ ես չլինեմ: Եթե ճիշտ քայլենք»:
Մանրամասները՝ տեսանյութում:
Շողիկ Գալստյան
