«Բարսելոնայի» նորեկ Անտուան Գրիզմանը կարծիք է հայտնել հարձակման գծում Լիոնել Մեսսիի ու Լուիս Սուարեսի հետ իր կապի մասին՝ պատասխանելով այն հարցին, թե հնչո՞ւմ է արդյոք «Գրիզման-Մեսսի-Սուարես» կապը. գրում է armsport.am-ը:
«Գերազանց: Թղթի վրա ամեն ինչ լավ տեսք ունի: Բայց դա պետք է դաշտում ցույց տալ: Ես վստահում եմ թիմին: Դեռ կան նաև Ուսման Դեմբելեն, Մալկոմը, Կոուտինյոն:
Շատ են բարձրակարգ հարձակվողները, որոնք, վստահ եմ, կօգնեն թիմին՝ մեծագույն գործեր անել», – Գրիզմանի խոսքերն է մեջբերել Diario Sport-ը:
Նա նաև անդրադարձել է այդ ցանկում Նեյմարի անունն ավելացնելուն:
«Եկեք տեսնենք, թե ինչ կպատահի: Այդ տրանսֆերի համար շատ մանրուքներ կան: Նեյմարը համաշխարհային մակարդակի խաղացող է, թոփ-ֆուտբոլիստ, ուստի նա կկարողանար ներգրավվել «Բարսելոնայում»», – ասել է Գրիզմանը:
