09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Հնարավոր է՝ Կրակովը հրաժարվի Եվրոպական խաղեր անցկացնելուց
04.07.2019 | 11:58
Լեհական Կրակովը կարող է հրաժարվել Եվրոպական երրորդ խաղերն անցկացնելու մտքից: Այդ մասին հայտարարել է Կրակովի քաղաքապետ Յացեկ Մայխրովսկին. գրում է ՀԱՕԿ-ի պաշտոնական կայքը:
Եվրոպական երրորդ խաղերի մայաքաղաքը ընտրվել էր հունիսի 22-ին Մինսկում կայացած Եվրոպական օլիմպիական կոմիտեների գագաթաժողովի ժամանակ:
«Մենք դեռևս ֆինանսավորման մասին ոչ մի հստակ տեղեկություն չունենք, այդ իսկ պատճառով տեղյակ չենք՝ կկարողանանք արդյոք անցկացնել այդ Խաղերը: Չենք կարող թույլ տալ, որպեսզի քաղաքը վճարի Խաղերին ժամանող 12 հազար մարդու ծախսերը»,-նշել է քաղաքապետը:
Հիշեցնենք, որ Կրակովը միակ քաղաք-թեկնածուն էր: Ավելի վաղ խոսվում էր, որ Խաղերի անցկացման հայտ է ցանկանում ներկայացնել նաև Կազանը, սակայն վերջնական հայտ չի ներկայացրել:
