14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Էդպիսի մարդիկ շատ կան. Արմեն Ռուստամյանը՝ Կարեն Կարապետյանի հետագա պաշտոնավարման մասին
Քաղաքականություն
12.09.2017 | 12:58
Կարեն Կարապետյանի գալով կառավարման համակարգի մեջ նոր շունչ մտավ: Այս մասին, անդրադառնալով վարչապետ Կարեն Կարապետյանի պաշտոնավարման մեկ տարվան, Factor.am-ի հարցին ի պատասխան նշեց ԱԺ ՀՅԴ խմբակցության ղեկավար Արմեն Ռուստամյանը:
«Այն նորարարությունները, որոնք սկսել են իրականցվել, իհարկե, ժամանակ են պահանջում, որ տեսնենք մեր կենցաղում: Դժբախտաբար էդ վիճակը չունենք, դրա համար տեմպերը պետք է դրան համապատասխանեցվեն, տեմպերը կարող են մեզ գոհացնող չլինել, բայց ուղղությունը, որը կառավարությունը վերցրել է, գրեթե 90 տոկոսով համապատասխանում է մեր ծրագրերին»,- շարունակեց Ռուստամյանը:
Factor.am-ի հարցին՝ ՀՅԴ-ում ցանկանում են, որ առաջիկա տարիներին Կարեն Կարապետյանը շարունակի սկսած գործը, Ռուստամյանը պատասխանեց. «Մեզ համար կարևորը այն գաղափարներն ու ծրագրերն են, որոնք պետք է շարունակություն ունենան: Մենք ընդունել ենք 2017-2022 թվականների կառավարության ծրագիր, որն անձի հետ կապված չէ: Իրականացնողը ով կլինի, իհարկե կարևոր է, որ նա հոգով, սրտով գործը լիարժեք կարողանա կատարել, բայց էդպիսի մարդիկ շատ կան»:
Հարզազրույցն ամբողջությամբ՝ տեսանյութում:
Շողիկ Գալստյան
