Քաղաքականություն
11.09.2017 | 16:05Հայաստանում քաղաքացիների 50.67 տոկոսը կարծում է, որ ԵՏՄ-ին Հայաստանի անդամակցությունը մեր երկրի վրա բացասական ազդեցություն է ունեցել, իսկ 45.33 տոկոսը վստահ է, որ ազդեցությունը դրական է եղել: Նման պատկեր է արձանագրվել «Գլոբալիզացիայի և տարածաշրջանային հետազոտությունների» վերլուծական կենտրոնի նախագահ կողմից այս տարվա հունիսի 1-ից սեպտեմբերի 1-ը Երևանում, Գյումրիում, Վանաձորում, Վայքում, Եղեգնաձորում, Մարտունիում և մի քանի այլ համայնքներում իրականացված սոցիոլոգիական հարցման արդյունքում:
Հարցմանը մասնակցել է 900 քաղաքացի` 496 կին և 404 տղամարդ: Իրականացված հարցման նպատակն էր` ուսումնասիրել միջազգային կառույցների, ինչպես օրինակ՝ ՀԱՊԿ-ի, ՆԱՏՕ-ի, ԵՏՄ-ի, ԵՄ-ի նկատմամբ Հայաստանի հանրության վերաբերմունքը։ Ուշագրավ է, որ ըստ հարցման` քաղաքացիների շուրջ 59 տոկոսը Հայաստանի ապագան կապում է Եվրամիությանն անդամակցության հետ: Հարցմանը մասնակցած Հայաստանի բնակիչների ընդամենը 34 տոկոսն է Ռուսաստանին համարում Հայաստանի դաշնակից, իսկ 2013 թվականի սեպտեմբերին ԵՄ-ի հետ ասոցացման համաձայնագրից հրաժարումը հարցվածների 78 տոկոսը բացասական է գնահատում։
Հարցվածների 30 տոկոսը գտնում է, որ Ռուսաստանը չի ապահովում Հայաստանի անվտանգությունը, 56 տոկոսի կարծիքով էլ Ռուսաստանը ԼՂ հակամարտության կարգավորման բանակցային գործընթացի վրա բացասաբար է ազդում։
Իսկ հարցին, արդյոք Հավաքական անվտանգության պայմանագրի կազմակերպությունն ապահովո՞ւմ է ՀՀ-ի անվտանգությունը, հարցվածների միայն 15 տոկոսն է դրական պատասխան է տվել, մինչդեռ 41 տոկոսի կարծիքով` ՀԱՊԿ-ը չի ապահովում Հայաստանի անվտանգությունը: Կաջակցի՞ արդյոք ՀԱՊԿ-ը Հայաստանին` Ադրբեջանի հետ պատերազմի դեպքում, այս հարցում էլ թերահավատների թիվն անհամեմատ ավելի մեծ է. 63.44 տոկոսը վստահ է, որ չի աջակցի։ ՀԱՊԿ-ի հետ հույսեր են կապում հարցվածների միայն 31 տոկոսը:
Գլոբալիզացիայի և տարածաշրջանային վերլուծական կենտրոնի նախագահ Ստեփան Գրիգորյանի գնահատմամբ՝ հատկապես ապրիլյան պատերազմն է պատճառ դարձել, որ Հայաստանի հանրությունը փոխի իր վերաբերմունքը Ռուսաստանի նկատմամբ։
Առավել մանրամասն՝ տեսանյութով։
Սեդա Ղուկասյան
