10.09.2026 | 21:58
Սանկտ Պետերբուրգում Ադրբեջանի նախկին գլխավոր հյուպատոսը մեղադրվում է ոսկու մաքսանենգության մեջ
«Ելք»-ի ՝ ԵՏՄ-ից դուրս գալու նախաձեռնությունը չի բխում Հայաստանի շահերից. Արմեն Աշոտյան
Քաղաքականություն
11.09.2017 | 15:45
Ազգային ժողովի արտաքին հարաբերությունների հանձնաժողովի նախագահ Արմեն Աշոտյանը տեղեկացրեց, որ «Ելք» խմբակցության՝ ԵՏՄ-ից դուրս գալու նախագծի տեքստը դեռևս չեն ստացել:
«Քաղաքական տեսակետից կարծում եմ՝ այդ նախաձեռնությունը չի համապատասխանում արտաքին քաղաքական և արտաքին տնտեսական շահերին: Եվ այդ նախաձեռնությունը չի տեղավորվում մեր արտաքին քաղաքականության գերակայությունների շրջանակներում»,- խորհրդարանում լրագրողների հետ զրույցում ասաց Արմեն Աշոտյանը:
Factor.am-ի հարցին՝ հնարավո՞ր է «Ելք»-ի նախաձեռնությունը վտանգի ԵՄ-ի հետ Համապարփակ և ընդլայնված գործընկերության համաձայնագրի ստորագրումը՝ հաշվի առնելով այն, որ դա գուցե զայրացնի ռուսական կողմին, ինչի արդյունքում Մոսկվայից ճնշումները կարող են էլ ավելի խորանալ, Աշոտյանը պատասխանեց. «Ես սովոր եմ, որ հայկական լրատվական-վերլուծական դաշտում լինում են փորձեր՝ կապել չկապվող գործընթացները, այս դեպքում էլ գնահատականը իրականության հետ կապ չունի: Նման հարց Հայաստանի քաղաքական օրակարգում ոչ միայն չկա, այլ չի բխում Հայաստանի քաղաքական և տնտեսական շահերից»:
Հարցազրույցն ամբողջությամբ՝ տեսանյութում:
Շողիկ Գալստյան
