09.09.2026 | 10:27
Հայաստանում սպասվում է ջերմաստիճանի զգալի բարձրացում. Լևոն Ազիզյան
«Իհարկե պատրաստ եմ». Վահե Գրիգորյանը ՍԴ նախագահ աշխատելու մասին. ՏԵՍԱՆՅՈՒԹ
Քաղաքականություն
13.06.2019 | 13:51
Բացարձակապես կաշկանդվածություն չունեմ, խորհրդարանում լրագրողների հետ զրույցում հայտարարեց Սահմանադրական դատարանի անդամի թեկնածու, փաստաբան Վահե Գրիգորյանը՝ անդրադառնալով հարցին, որ ինքը մտերիմ հարաբերություններ ունի իշխանական վերնախավի հետ և գուցե այդ ամենը կաշկանդի իրեն պաշտոնավարման ընթացքում։
Հիշեցնենք՝ նախագահ Արմեն Սարգսյանը ՍԴ անդամի պաշտոնում կրկին առաջադրել է Վահե Գրիգորյանի թեկնածությունը։ Նախորդ գումարման խորհրդարանը Վահե Գրիգորյանին չընտրեց ՍԴ անդամ։
«Ես այդ պաշտոնում ընտրվելու և երդում տալու դեպքում․․․ Երդում չեմ տալու, որպեսզի որևէ խմբավորման ներկայացուցիչ դառնամ»,- վստահեցրեց Վահե Գրիգորյանը` հույս հայտնելով, որ ինքը կընտրվի ՍԴ անդամ։
«Իմ տպավորությունը դրական էր, դրական էր նաև «Լուսավոր Հայաստան» խմբակցության հետ հանդիպումից հետո»,- նշեց Գրիգորյանը։
Factor.am-ի հարցին՝ ինքը պատրա՞ստ է աշխատել Սահմանադրական դատարանի նախագահ, Վահե Գրիգորյանն արձագանքեց․ «Իհարկե, պատրաստ եմ»։
Շողիկ Գալստյան
