03.02.2026 | 16:27
Ե՞րբ և ինչպե՞ս կարող է փոխվել Առողջության համընդհանուր ապահովագրության շահառուի կարգավիճակը․ պարզաբանում է նախարարը
ՍԱՍ-ի սկանդալային ձայնագրության փաստով հարուցված քրգործը կարճվեց. ՀՔԾ
Հասարակություն
08.09.2017 | 12:44
Հատուկ քննչական ծառայությունը կարճել է ՍԱՍ-ի աղմկահարույց ձայնագրության փաստով հարուցված քրեական գործը: Այս մասին Factor.am-ին հայտնեց ՀՔԾ-ի մամուլի խոսնակ Մարինա Օհանջանյանը՝ տեղեկացնելով, որ գործը կարճվել է «հանցակազմի բացակայության հիմքով»:
Հիշեցնենք՝ խորհրդարանական ընտրություններից հետո՝ ապրիլի 13-ին, Hayastan24.com կայքը ձայնագրություն էր հրապարակել, որտեղ ուշագրավ մանրամասներ էր ներկայացվում, թե ինչպես է մի տղամարդ ժողովի մասնակիցներից պահանջում «աշխատել» ՀՀԿ ռեյտինգային թեկնածու Արտակ Սարգսյանի՝ (ՍԱՍ-ի Արտակ) համար:
Hetq.am-ի տեղեկություններով՝ ժողովը վարել էր Արտակ Սարգսյանի եղբայրը: Ձայնագրության հրապարակումից օրեր անց հարուցվել էր քրեական գործ՝ ՀՀ քրեական օրենսգրքի 1542-րդ հոդվածի 2-րդ մասով:
Ավելի վաղ, ՀՀ գլխավոր դատախազ Արթուր Դավթյանը չէր բացառել, որ գործը կկարճվի:
Շողիկ Գալստյան
