ԱԺ «Իմ քայլը» խմբակցությունը ԲԴԽ անդամի թեկնածու է առաջադրել Գրիգոր Բեքմեզյանին

«Ազգային ժողովի կանոնակարգ» Հայաստանի Հանրապետության սահմանադրական օրենքի 144-րդ հոդվածի 2-րդ մասի համաձայն` Ազգային ժողովի «Իմ քայլը» խմբակցությունը Բարձրագույն դատական խորհրդի անդամի թեկնածու է առաջադրել Գրիգոր Հովհաննեսի Բեքմեզյանին:

«Ազգային ժողովի կանոնակարգ» սահմանադրական օրենքի 144-րդ հոդվածի 5-րդ մասի համաձայն` Բարձրագույն դատական խորհրդի անդամի ընտրության հարցը կքննարկվի Ազգային ժողովի հերթական նիստերի հունիսի 20-ի առաջին նիստում»,-նշված է խորհրդարանի ղեկավարի հայտարարության մեջ:

Ստորև ներկայացնում ենք Բեքմեզյանի կենսագրությունից որոշակի հատվածներ․

2004 – 2005 թթ. ՈՒտրեխտի համալսարանի իրավաբանական ֆակուլտետ, Նեդերլանդներ Երիտասարդ իրավաբան դասախոսների վերապատրաստման Ծրագիր, Օրենք և տնտեսագիտություն 2000 թ. Կենտրոնական Եվրոպական Համալսարան, Բուդապեշտ, Հունգարիա, Միջազգային արբիտրաժ

1999 թ. ԱՄՆ Կալիֆորնիայի Համալսարան, Բերկլի, Միջազգային առևտրային իրավունք

1999 – 2002 թթ. ԵՊՀ ասպիրանտուրա

1994 – 1999 թթ. ԵՊՀ իրավաբանական ֆակուլտետ Գիտական աստիճան, կոչում Իրավաբանական գիտությունների թեկնածու, դոցենտ Աշխատանքային (մասնագիտական) գործունեություն

2002 թ–ից առայսօր ԵՊՀ քաղաքացիական իրավունքի ամբիոնի դոցենտ

2015 թ–ից առայսօր «Բեքմեզյան» ՍՊԸ տնօրեն

2015 թ–ից առայսօր Տեսչական մարմինների միասնական բողոքարկման հանձնաժողովի անդամ

2015 թ-ից առայսօր ՀՀ Փաստաբանների պալատի անդամ

2015 – 2017 թթ. ՀՀ քաղաքացիական օրենսգրքի նախագծի մշակման աշխատանքային խմբի անդամ

Պարգևներ/կոչումներ

ՀՀ արդարադատության նախարարի 26.09.2013 թ. թիվ 10 հրամանով արդարադատության ոլորտում մատուցած նշանակալի ծառայությունների համար պարգևատրվել է «Ներսես Շնորհալու» անվան հուշամեդալով