15.10.2026 | 11:05
Կառավարության նիստը` ՈՒՂԻՂ
Հայաստանում բացակայում է քաղաքական հետապնդումը. Արա Բաբլոյանը հանդիպել է Գերմանիայի դեսպանի հետ
Քաղաքականություն
07.09.2017 | 15:19
Եվրոպական արժեքները կրող և այդ արժեքները չճանաչող երկրները չեն կարող գտնվել նույն հարթության վրա, ասել է ՀՀ ԱԺ նախագահ Արա Բաբլոյանը Գերմանիայի դեսպան Մաթիաս Քիսլերի հետ հանդիպման ժամանակ:
«Հայաստանը, ի տարբերություն հարևան որոշ երկրների, ժողովրդավարության հարցերում լուրջ առաջընթաց ունի: Այդ մասին վկայում են մեր երկրում քաղաքական հետապնդման բացակայությունը, արդար և թափանցիկ ընտրությունների անցկացումը, խոսքի ազատությանը և մարդու իրավունքների պաշտպանությանն առնչվող մոտեցումները», – ասել է Ա.Բաբլոյանը:
Իր հերթին դեսպանը կարևորել է Ազգային ժողովի հետ համագործակցությունը ու հատկապես ընդգծել Գերմանիայի Միջազգային համագործակցության ընկերության և ՀՀ ԱԺ ֆինանսավարկային և բյուջետային հարցերի մշտական հանձնաժողովի համատեղ աշխատանքը, որի դրական արդյունքն ակնհայտ է:
Անդրադառնալով Բունդեսթագի կողմից Հայոց ցեղասպանության ճանաչման և այն դատապարտող բանաձևի ընդունմանը՝ դեսպանը նշել է. «Այդ բանաձևի ընդունմամբ Բունդեսթագը կարևոր քայլ կատարեց, և ես զգում եմ հայ ժողովրդի վերաբերմունքն այդ քայլի նկատմամբ»:
Խոսելով ԼՂ հակամարտության մասին՝ Մաթիաս Քիսլերը փաստել է, որ Գերմանիան բացառում է հակամարտության ռազմական լուծումը:
