10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Տրանսպորտի նախարարությունում և ԱԺ-ում ռումբերի տեղադրման ահազանգերով քրգործ է հարուցվել
04.09.2017 | 17:38
Տրանսպորտի, կապի և տեղեկատվական տեխնոլոգիաների նախարարությունում և Ազգային ժողովում ռումբի տեղադրման մասին ահազանգերի դեպքերով հարուցվել են քրեական գործեր: Այս մասին Factor.am-ին հայնտեցին Ոստիկանության լրատվության ծառայությունից՝ հավելելով, որ նյութերն ուղարկվել են ՀՀ քննչական կոմիտե:
Factor.am-ի հարցին՝ այդ երկու գործերով կասկածյալներ կա՞ն, ոստկանությունից նշեցին, որ իրավասու չեն այլ հարցերի պատասխանել: Մեզ նաև տեղեկացրին, որ հարուցվել է քրեական գործ՝ 259 հոդվածով, այն է՝ ռազմական գույքը դիտավորությամբ ոչնչացնելը կամ վնասելը:
Հիշեցնենք, որ սեպտեմբերի 1-ին ահազանգ էր ստացվել, որ Տրանսպորտի, կապի և տեղեկատվական տեխնոլոգիաների նախարարությունում ռումբ կա տեղադրված, հաջորդ օրը՝ սեպտեմբերի 2-ին, նմանատիպ ևս մեկ ահազանգ էր ստացվել: Այս անգամ արդեն ենթադրյալ թիրախն Ազգային ժողովն էր, սակայն երկու դեպքում էլ պարզվեց, որ ահազանգերը կեղծ էին:
Factor.am-ը փորձեց որոշ մանրամասներ ճշտել քննչական կոմիտեից, սակայն մեզ փոխանցեցին, որ գործի նյութերը դեռևս չեն ստացել, հետևաբար չեն կարող որևէ հարցի պատասխանել:
Շողիկ Գալստյան
