24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Դիարբեքիրի Լիջե շրջանում պարետային ժամ է հայտարարվել
Քաղաքականություն
04.09.2017 | 13:46
Սեպտեմբերի 3-ին Թուրքիայի Դիարբեքիր նահանգի Լիջե շրջանում պարետային ժամ է հայտարարվել: Ինչպես տեղեկացնում է թուրքական «Haberler» լրատվակայքը, Լիջեում «Քրդստանի բանվորական կուսակցության» (ՔԲԿ-PKK) զինյալների խումբ է հայտնաբերվել, որի դեմ լայնմասշտաբ ռազմական գործողություններ են սկսվել:
Լիջեի համայնքային ղեկավարությունը, ռազմական գործողությունների ժամանակ խաղաղ բնակչության անվտանգության նկատառումներից ելնելով, Լիջեի 4 թաղամասերում (Բաղլան, Դոլունայ, Յալազա, Չավունդար) Թուրքիայի ժամանակով ժամը 21:00-ից սկսած պարետային ժամ է հայտարարել: Աղբյուրը չի հաղորդում, թե երբ կավարտվի պարետային ժամը:
Տեղեկացնենք, որ «Քրդստանի բանվորական կուսակցությունը» հիմնադրվել է 1978 թ. նոյեմբերի 27-ին Թուրքիայի Դիարբեքիր նահանգում: Կուսակցության հիմնադիրը Աբդուլլահ Օջալանի է, որն այժմ ցմահ ազատազրկված է Թուրքիայի Իմրալը կղզու բանտում։
PKK-ն Թուրքիայում համարվում է ահաբեկչական կազմակերպություն: Թուրքիայի ուժայինները PKK-ի դեմ գործողություններ իրականացնում են թե՛ երկրի ներսում, թե՛ երկրից դուրս՝ մասնավորապես Հյուսիսային Իրաքում, որտեղ էլ գտնվում է քուրդ զինյալների գլխավոր ռազմաբազան՝ Քանդիլը:
