05.11.2026 | 16:02
Ռուսաստանը համաձայնել է Իրանին մատակարարել 90 հրթիռային արձակման կայանք, որոնք օգտագործում է Ուկրաինայի դեմ պատերազմում․ FT
ՀՀ ՊՆ-ն որևէ կերպ չի մեկնաբանում Վրաստանում ՆԱՏՕ-ի զորավարժություններին մասնակցելուց հրաժարվելու որոշումը
Քաղաքականություն
04.09.2017 | 12:41
Հայաստանը վերջին պահին հրաժարվել է մասնակցել Վրաստանում` սեպտեմբերի 3-ին մեկնարկած ՆԱՏՕ-ի «Agile Spirit 2017» զորավարժություններին: Այդ մասին հայտարարել է Վրաստանի պաշտպանության նախարարության պաշտոնական ներկայացուցիչ Գիորգի Կաչարավան. տեղեկացնում է azatutyun.am-ը:
«ՀՀ ՊՆ-ն նախապես հայտարարել էր «Agile Spirit 2017 »-ին մասնակցելու մասին, սակայն վերջին պահին մեր հարևանները հրաժարվել են»,- ասել է Գիորգի Կաչարավան՝ հավելելով, որ ՀՀ ՊՆ-ն տվյալ որոշումը որևէ կերպ չի պարզաբանել:
Հյուսիսատլանտյան դաշինքի հովանու ներքո անցկացվող Agile Spirit 2017 զորավարժություններին Հայաստանից երեք ռազմական բժիշկ պետք է մասնակցեր, նշել է վրաց պաշտոնյան` հավելելով, որ նրանց բացակայությունը «էական ազդեցություն չի ունենա վարժանքների ընթացքի վրա»:
Զորավարժությունները շարունակվելու են մինչև սեպտեմբերի 11-ը, դրանց մասնակցում են Միացյալ Նահանգների ծովային հետևակի ինչպես նաև Վրաստանի, Ադրբեջանի, Բուլղարիայի, Ռումինիայի, Լատվիայի և Ուկրաինայի բանակային ստորաբաժանումները:
