21.05.2026 | 18:28
Մեկնարկել է գրեփլինգի, պանկրատիոնի և սիրողական MMA-ի Եվրոպայի առաջնության տոմսերի վաճառքը
«Ես հաշվետու չեմ»․ՊՎԾ պետի տեղակալը չի՞ լսել Փաշինյանի պահանջը․ ԵզրաԿԱՑՈՒԹՅՈՒՆ
Քաղաքականություն
25.04.2019 | 20:09
Նոր Հայաստանի իշխանությունները մշտապես կարևորել են հանրության առջև թափանցիկությունն ու հաշվետվողականությունը։ Այսօր, սակայն, վարչապետին առընթեր պետական վերահսկողական ծառայության պետի տեղակալ Արգիշտի Քյարամյանը չցանկացավ հաշվետու լինել:
Չնայած լրագրողների համառ հարցերին, նա այդպես էլ չպարզաբանեց, թե ինչպես է երիտասարդ տարիքում միլիոններ կուտակել: «Ես կարծում եմ, որ էթիկայի տեսանկյունից ճիշտ չէ քննարկել որևէ մեկի ունեցվածքը: Այն, որ ես պաշտոնյա եմ, վաղուց գիտեմ, բայց այս հարցին այսպես կպատասխանեմ. ես զբաղեցրել եմ տարբեր պաշտոններ, աշխատել եմ տարբեր ուժային կառույցներում, պաշտոնապես հայտարարում եմ, որ երբևէ որևէ կոռուպցիոն, սկանդալային և կլանային համակարգերում չեմ եղել, ոչ էլ բիզնեսով եմ զբաղվել: Ես կոռեկտ չեմ համարում իմ ունեցվածքն այս համատեքստում քննարկել: Ես չեմ փորձում պարզաբանել, ինչը ասեցի, բավարար էր: Ես հաշվետու չեմ»,- ասաց նա:
Նշենք, որ հանրությանն այդպես էլ հաշվետու լինել չցանկացող 28-ամյա Արգիշտի Քյարամյանը հայտարարագրել է 32 միլիոն դրամ, 48 հազար ամերիկյան դոլար, երկու առանձնատուն, չորս հողամաս, հողամասին ամրացվա անշարժ գույք և ավտոտնակ: Այս պաշտոնյայի հայտարարագրում առկա են նաև ութ միլիոն դրամը գերազանցող զարդեր»:
Մանրամասները՝ տեսանյութում։
Նարեկ Կիրակոսյան
