15.10.2026 | 13:25
Էդ հարցը դրել եմ երեկ. Փաշինյանը մանրամասներ պատմեց ռուս պաշտոնյայի հետ հանդիպումից․ ՏԵՍԱՆՅՈՒԹ
ՀՐԱՏԱՊ. հրդեհ «Նաիրիտ» գործարանում (ուղիղ հեռարձակում)
28.08.2017 | 13:41
ՀՀ ԱԻՆ-ը տեղեկացնում է, որ Ժամը 15:00-ի դրությամբ «Նաիրիտ» գործարանի տարածքում բռնկված հրդեհի մարման աշխատանքներում ներգրավված են մեկ ավտոսանդուղք և տասնմեկ մարտական հաշվարկ, որոնցից երկուսը՝ «Նաիրիտ» գործարանի հրշեջ ջոկատից: Դեպքի վայրում են նաև ՓԾ Ճառագայթային, քիմիական և կենսաբանական իրավիճակների մոնիտորինգի խումբը, ՓԾ տնօրեն փ/ծ գնդապետ Մ. Ղազարյանը և Ճգնաժամային կառավարման ազգային կենտրոնի պետ, փ/ծ գնդապետ Հ. Խանգելդյանը:
Նախնական տվյալներով հրդեհի վայրում այրում է լաքէթինոլ նյութը. դեպքի վայրից հաղորդում են, որ այրվող նյութից վտանգավոր արտանետումներ չկան, բնակչությանը վտանգ չի սպառնում:
Քիչ առաջ լուրեր տարածվեցին, որ այդուհանդերձ, տարածքում տարհանում է իրականացվում: Գործարանի հարակից տարածքում տեղակայված պետական և մասնավոր կառույցների աշխատակիցներին հորդորել են լքել տեղանքը` պատճառաբանելով, որ օդում քիմիական նյութեր են պարունակվում, ուստի տարածքում գտնվելը վտանգավոր է:
Հրդեհի բարդության «թիվ 3» կանչով դեպքի վայր են մեկնել տասը մարտական հաշվարկ և Ճգնաժամային կառավարման կենտրոնի արտակարգ իրավիճակների արձագանքման և օպերատիվ խմբերը:
Factor.am-ի նկարահանող խումբը րոպեներ անց կներկայացնի իրավիճակը ուղիղ միացմամբ՝ դեպքի վայրից:
