09.08.2026 | 10:44
ՀՀ տարածքում ավտոճանապարհներն անցանելի են
Տատիկի գրկից ընկած 2-ամյա երեխան դուրս է գրվել հիվանդանոցից
Հասարակություն
28.08.2017 | 11:58
Երևանում հուլիսի 27-ին շենքի 2-րդ հարկի պատշգամբից ընկած 2 տարեկան տղան օրեր առաջ դուրս է գրվել հիվանդանոցից: Այս մասին Factor.am-ին հայտնեց Երևանի «Սուրբ Աստվածամայր» բժշկական կենտրոնի վերակենդանացման բաժանմունքի վարիչ Աննա Չոբանյանը:
«Արդեն գիտակցությունը վերականգնված էր, որևէ խնդիր իր մոտ չկար»,- ասաց Աննա Չոբանյանը:
Ավելի վաղ Factor.am-ը գրել էր, որ փոքրիկը երկու վիրահատության է ենթարկվել, առաջինը՝ ձեռքի կոտրվածքի համար, երկրորդը՝ ակնակապիճի ոսկորի:
Հիշեցնենք՝ հուլիսի 27-ին արտակարգ դեպք էր տեղի ունեցել Երևանում: Ժամը 14:40-ի սահմաններում «Սուրբ Աստվածամայր» բժշկական կենտրոնից Ոստիկանության Երևան քաղաքի վարչության օպերատիվ կառավարման կենտրոն հայտնել էին, որ «պոլիտրավմա» ախտորոշմամբ իրենց մոտ էր տեղափոխվել մի երեխա: Փոքրիկը հիվանդանոց էր տեղափոխվել Ավան վարչական շրջանի Ծարավ աղբյուր փողոցի տներից մեկից: Պարզվել էր, որ նշված տան 2-րդ հարկի պատշգամբի մոտ երեխայի՝ 2-ամյա է. Շ-ի տատիկը՝ 54-ամյա Ա. Ս.-ն, օրորելու ժամանակ երեխային գրկից անզգուշաբար պատշգամբից էր գցել:
Շողիկ Գալստյան
