29.04.2026 | 15:27
Ուկրաինայում ԱՄՆ դեսպանը հեռանում է պաշտոնից, ըստ լուրերի՝ Թրամփի հետ տարաձայնությունների պատճառով
«Խոսրովի անտառի» տարածքը 20 օրվա ընթացքում կապահովվի բջջային կապով. Արծվիկ Մինասյան
Տնտեսություն
24.08.2017 | 15:55
«Արտակարգ իրավիճակների նախարարությունը, բնապահպանության նախարարությունն ու բջջային օպերատորներից մեկը քննարկումներ են տանում «Խոսրովի անտառ» արգելոցի տարածքում բջջային կապի հասանելիությունն ապահովելու ուղղությամբ»,- ի պատասխան Factor.am-ի հարցին՝ հնարավո՞ր է առաջիկայում լուծվի բջջային կապի խնդիրը, որի բացակայությունը ևս խոչընդոտ էր հանդիսացել հրդեհաշիջման աշխատանքների ժամանակ, ասաց ՀՀ ԱԻ նախարար Դավիթ Տոնոյանը:
Նախարարի փոխանցմամբ՝ հանրապետության նախագահի ու վարչապետի հանձնարարությամբ բջջային օպերատորներից մեկի հետ տարվել են բանակցություններ, որոնք վարել է անձամբ բնապահպանության նախարար Արծվիկ Մինասյանը և որոշում է կայացվել տվյալ տարածքն ապահովել բջջային կապով:
Խնդրին անդրադարձավ նաև ՀՀ բնապահպանության նախարար Արծվիկ Մինասյանը, որը մեր ճշտող հարցին՝ ի՞նչ ժամկետներում խնդիրը լուծում կստանա, հավաստիացրեց՝ 20 օրվա ընթացքում:
Փաստորեն պետք է Խոսրովի անտառի զգալի մասը հրո ճարակ դառնար, որ մեր գերատեսչությունների ղեկավարները մտածեին այդ հարցի լուծման մասին:
Առավել մանրամասն՝ տեսանյութում:
Շողիկ Գալստյան
