15.09.2026 | 10:25
Սևանում ապամոնտաժվել է Ռուբեն Հայրապետյանի առանձնատան՝ ապօրինի կառուցված պարիսպը․ ՏԵՍԱՆՅՈՒԹ
Պաղեստինի նախագահը կհանդիպի Էրդողանի հետ
Քաղաքականություն
24.08.2017 | 13:15
Պաղեստինի նախագահ Մահմուդ Աբբասը օգոստոսի 28-ին պաշտոնական այցով կմեկնի Թուրքիա: Ըստ թուրքական «Haberler.com» լրատվական կայքի՝ այդ մասին հայտարարել է Թուրքիայի նախագահ Ռեջեփ Թայիփ Էրդողանի մամուլի խոսնակ խոսնակ Իբրահիմ Քալինը. փոխանցում է ermenihaber-ը:
Ըստ վերջինիս՝ Աբբասը Թուրքիայում կհանդիպի Էրդողանի հետ, որի հետ առաջնահերթ կքննարկվի Երուսաղեմում իսլամական սրբավայրի հետ կապված իրավիճակը, ինչպես նաև պաղեստինյան հարցը:
Հիշեցնենք, որ Իսրայելի իշխանությունները որոշել էին Երուսաղեմում իսլամական սրբավայրի մոտ անվտանգության միջոցառումներն ուժեղացնել: Այդ որոշմանը նախորդել էր տաճարի տարածքում երկու ոստիկանի սպանությունը: Ինչից հետո Իսրայելն արգելել էր ուրբաթօրյա աղոթքը, իսկ հետո նաև տեղադրել մետաղորսիչ սարքեր: Հարյուրավոր արաբ-մահմեդականներ ի նշան բողոքի ուրբաթօրյա աղոթք էին արել Երուսաղեմի փողոցներում: Քաղաքի մի քանի շրջաններում բախումներ էին հրահրվել իսրայելական ոստիկանության դեմ: Իրավապահները ցուցարարների դեմ հատուկ միջոցներ են կիրառել:
Պաղեստինն էլ հայտարարել էր Իսրայելի հետ կապերը խզելու մասին: Պաղեստինի առաջնորդ Մահմուդ Աբասը նշել էր, որ Իսրայելի հետ բոլոր շփումները բոլոր մակարդակներում սառեցվում են, մինչև Իսրայելը չվերանայի իր քաղաքականությունը Երուսաղեմի և Ալ-Աքսա մզկիթի նկատմամբ:
