07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Չավուշօղլուն մեկնում է Իրաք
Քաղաքականություն
22.08.2017 | 12:57
Թուրքիայի արտգործնախարար Մևլութ Չավուշօղլուն օգոստոսի 23-ին կմեկնի Իրաք, որտեղ հանդիպումներ կանցկացնի իրաքցի բարձրաստիճան պաշտոնյաների հետ: Թուրքական «Sozcu» թերթի կայքը, հղում անելով Թուրքիայի արտգործնախարարության հայտարարությանը, նշում է, որ այցի ընթացքում Չավուշօղլուն հանդիպում կանցկացնի Իրաքի նախագահ Ֆուադ Մասումի, վարչապետ Հայդար Էբադիի, խորհրդարանի նախագահ Սելիմ Ջուբուրիի, արտգործնախարար Իբրահիմ Ջաֆերիի հետ: Հանդիպումների ընթացքում կքննարկվեն թուրք-իրաքյան հարաբերություններին վերաբերող առանցքային հարցեր:
Վերոնշյալ հանդիպումներից հետո նախատեսվում է, որ Չավուշօղլուն կմեկնի Իրաքյան Քուրդիստան, որտեղ կհանդիպի Հյուսիսային Իրաքի քրդական ինքնավար շրջանի ղեկավար Մեսութ Բարզանիի հետ:
Նշենք, որ սեպտեմբերի 25-ին Հյուսիսային Իրաքի քրդական ինքնավար շրջանում պատրաստվում են անցկացնել անկախության հանրաքվե, ինչին կտրականապես դեմ է պաշտոնական Անկարան:
Բացի Թուրքիայից, այդ անկախության հանրաքվեին դեմ է արտահայտվել նաև Իրանը. փոխանցում է ermenihaber.am-ը:
