01.07.2026 | 11:00
ՍԴ-ն քննում է քաղաքական ուժերի դիմումները ընտրություններն անվավեր ճանաչելու վերաբերյալ. ՈՒՂԻՂ
Տարերային աղետներից 80-100 տոկոս տուժած համայնքները աջակցություն կստանան
Տնտեսություն
03.08.2017 | 11:35
ՀՀ Կառավարության այսօրվա նիստում վարչապետ Կարեն Կարապետյանի առաջին հանձնարարականը վերաբերում էր տարերային աղետների հետևանքների վերացմանն ու պետական աջակցությանը:
Կառավարության ղեկավարը հիշեցրեց, որ Հանրապետության տարածքում տեղացած կարկուտի հետևանքների ուսումնասիրության և հնարավոր լուծումների վերաբերյալ տրվել էր հանձնարարական: «Մեր կողմից իրականացվել են համալիր ուսումնասիրություններ ու վեր են հանվել ոչ միայն կարկտահարությունից, այլ նաև տարվա ընթացքում տեղի ունեցած ցրտահարությունից, սելաֆներից էապես տուժած համայնքների, հողօգտագործողների պետական աջակցության հնարավոր տարբերակները»,- նշեց Կարեն Կարապետյանը:
Հաշվի առնելով վերոնշյալը՝ ՀՀ գյուղատնտեսության, տարածքային կառավարման ու զարգացման նախարարներին, ջրային պետական կոմիտեի նախագահին և մարզպետներին վարչապետը հանձնարարեց մեկամսյա ժամկետում ձեռնարկել անհրաժեշտ միջոցներ՝ հողի հարկը, ոռոգման ջրի ձևավորված հասույթը , պետական աջակցության ծրագրի շրջանակներում տրամադրված սերմերի դիմաց վճարման ենթակա գումարները, նշված տարերային աղետներից 80-100 տոկոս տուժած համայնքների, հողօգտագործողների, ըստ ներկայացված հայտերի, զիջելու նպատակով:
Շողիկ Գալստյան
