24.04.2026 | 09:58
Հարգանքի տուրք Հայոց ցեղասպանության զոհերի հիշատակին Ծիծեռնակաբերդի հուշահամալիրում. ՈՒՂԻՂ
Կյանքից հեռացել է ավիացիոն ոլորտի հայտնի հայ կոնստրուկտոր Ալեքսանդր Սարկիսովը
15.01.2019 | 17:02
83 տարեկանում կյանքից հեռացել է հայտնի գիտնական, կոնստրուկտոր Ալեքսանդր Սարկիսովը: Ռուսաստանաբնակ հայ գիտնականը մահացել է Սանկտ Պետերբուրգում, երկարատև հիվանդությունից: Այս մասին ՏԱՍՍ-ին հայտնել են Միացյալ շարժիչաշինության կորպորացիայի մամուլի ծառայությունից:
Ալեքսանդր Սարկիսովը ծնվել, մեծացել և կրթություն է ստացել Ռուսաստանում: Նա եղել է Ավիացիայի և օդագնացության գիտությունների ակադեմիայի նախագահը, ոլորտային մի շարք ակադեմիաների անդամ:
Հայազգի գիտնականը մեծ ներդրում է ունեցել Ռուսաստանում ռազմական և քաղաքացիական օդանավերի համար ավիացիոն գազատուրբինային շարժիչների ստեղծման և արտադրության գործում: Նրա մասնակցությամբ շարժիչներ են ստեղծվել «Սու», «ՄիԳ», «Իլ», «Ան» տեսակի օդանավերի, «Մի», «Կա» տեսակի ուղղաթիռների, անօդաչու թռչող սարքերի համար:
Ալեքսանդր Սարկիսովի ղեկավարությամբ մշակվել են ավտոմատ կառավարման և ավտոմատ կարգավորման վերահսկողության բլոկի թվային համակարգեր, որոնք զգալիորեն բարձրացնում են շարժիչի շահագործման հուսալիությունը:
