25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
«Կառավարությունը կրթությանը վերաբերում է որպես անշարժ գույքի»․ Կարեն Վարդանյան
Հասարակություն
16.08.2017 | 18:00
«Ինֆորմացիոն տեխնոլոգիաների ձեռնարկությունների միության» գործադիր տնօրեն Կարեն Վարդանյանի կարծիքով՝ ներդրումների կարիք առաջնահերթ կրթության ոլորտում կա և հատկապես՝ հանրակրթության ոլորտում. Factor.am-ի հետ զրույցում ասաց նա։
Մեր դիտարկմանը, որ Կառավարության միջնաժամկետ ծրագրով կրթության ոլորտին հատկացումները նվազելու են, Վարդանյանն ասաց․«Կառավարությունը կրթության ոլորտը չի կառավարում․խնդիրներին ծանոթ չէ, կրթությանը վերաբերում է որպես անշարժ գույքի»։
Օրերս Հայաստանի զարգացման հիմնադրամ էր այցելել վարչապետ Կարեն Կարապետյանը՝ հայտարարելով, որ 10 միլիոն եվրո է ներդրվելու բարձր տեխնոլոգիաների ոլորտում։ Վարդանյանն այս ներդրումներից տեղյակ չէ, իրենց հետո որևէ քննարկում չի եղել։
Հիշեցմանը, որ դեռևս 2000 թվականից Կառավարությունն ընդունել է ՏՏ ոլորտի զարգացման հայեցակարգը՝ ՏՏ ոլորտը համարելով գերակա ճյուղ, Կարեն Վարդանյանը նկատեց, որ ՏՏ ոլորտը Կառավարության համար միայն «PR հայտարարությունների համար է»:
«Ռեալ փոփոխություններ, որպես այդպիսին, չեն եղել․ ինֆորմացիոն ձեռնարկությունների ինկուբատորն է ստեծվել, ՓՄՁ-ներին հարկային արտոնություններ են տրվել, բայց ոլորտի զարգացման համար ոչինչ չի արվել»,- ասաց նա։
Առավել մանրամասն՝ տեսանյութում։
Սեդա Ղուկասյան
