Հասարակություն
28.07.2017 | 16:16
Լիտվայից Եվրախորհրդարանի պատգամավոր Պյատրաս Աուշտրյավիչյուսը կոչ է արել Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլիին քաղաքացիություն տալ. հայտնում է ТАСС-ը:
Նա նշել է, որ Սաակաշվիլիին նախ կարող են Լիտվայում բնակության թույլտվություն տրամադրել: «Լիտվայի Հանրապետության քաղաքացիության տրամադրումը բարդ գործընթաց է՝ խիստ կարգավորումներով, բայց ես չէի բացառի Սաակաշվիլիի համար այդ հնարավորությունը»,- նշել է Աուշտրյավիչյուսը:
Խորհրդարանականը նշել է, որ Լիտվայում Սաակաշվիլին կարող է զբաղվել քաղաքական վերլուծությամբ:
Հիշեցնենք, որ չորեքշաբթի օրը միգրացիոն ծառայությունից տեղեկացրել էին, որ նախագահ Պյոտր Պորոշենկոն Սաակաշվիլիին զրկել է Ուկրաինայի քաղաքացիությունից
