12.12.2024 | 22:33
Հայաստանի մի շարք հասցեներում էլեկտրաէներգիայի անջատումներ կլինեն
Սաակաշվիլին կբողոքարկի Ուկրաինայի քաղաքացիությունից իրեն զրկելու մասին որոշումը
Քաղաքականություն
27.07.2017 | 19:51
Վրաստանի նախկին նախագահ, Օդեսա շրջանի նախկին նահանգապետ Միխեիլ Սաակաշվիլին մտադիր է բողոքարկել իրեն Ուկրաինայի քաղաքացիությունից զրկելու մասին հրամանագիրը: Այդ մասին հայտնել են նրա ղեկավարած «Նոր ուժերի շարժում» կուսակցության մամուլի ծառայությունից. փոխանցում է ria.ru-ն:
Չորեքշաբթի օրը միգրացիոն ծառայությունից տեղեկացրել են, որ նախագահ Պյոտր Պորոշենկոն Սաակաշվիլիին զրկել է Ուկրաինայի քաղաքացիությունից:
«Այդ հրամանագիրը կբողոքարկվի դատարանում: Փաստաբաններն արդեն պատրաստում են փաստաթղթերը»,- ասել են մամուլի ծառայությունում:
Ավելի վաղ Միխեիլ Սաակաշվիլին հայտարարել էր, որ Վրաստանի քաղաքացիությունը կորցնելուց հետո, այլ երկրի քաղաքացիություն, քան Ուկրաինայինն է, նա չունի:
