16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Արթուր Վանեցյանը՝ Սերժ Սարգսյանի եղբորորդու էքստրադիցիայի ու հայտնի հեռախոսազրույցի մասին
Քաղաքականություն
15.12.2018 | 18:16
Ծաղկաձորում լրատվամիջոցների ներկայացուցիչների հետ զրույցում ԱԱԾ տնօրեն Արթուր Վանեցյանը խոսեց իր, ՀՔԾ պետի ու Նիկոլ Փաշինյանի խոսակցությունների գաղտնալսման մասին։
Նա հերքեց, որ որևէ կապ է ունեցել Ռոբերտ Քոչարյանի կալանքի հարցը քննած դատավորի հետ. «Իմ հեռախոսը տվել եմ անկախ փորձագիտական մարմնին, բոլոր ֆայլերը վերականգնել են՝ viber, whatsapp, ինչ հավելված կա, դրանց վերծանումները կան։ Ես դատավորի հետ չեմ խոսել։ Եթե ասում եմ, որ այդ խոսակցությունում խոսել եմ… ուրեմն կասեի, որ դատավորի հետ էլ եմ խոսել։ Գործը քննող դատավորի հետ ես որևէ կապ չեմ ունեցել»։
Հարցին, այդ դեպքում ինչո՞ւ է հայտնի հեռախոսազրույցի ընթացքում ՀՔԾ տնօրենին ու Փաշինյանին ասում, որ դատավորի հետ խոսել է, ասել՝ ուզի-չուզի կալանքը պիտի տա, Վանեցյանը պատասխանեց․ «Եթե ես խոսել եմ դատավորի հետ, թող էդ գաղտնալսումները դնեն, պրծնենք էլի»:
Նա նշեց նաև, որ Արցախի նախկին ՄԻՊ Ռուբեն Մելիքյանի՝ Քոչարյանի կալանքի հիմնավորվածության վերաբերյալ ստատուսը սքրինշոթ է արել ու հանձնարարել ստուգել։ Այսինքն՝ ստուգվի, թե որքանով է Քոչարյանի կալանքը հիմնավոր։
Լրագրողները հետաքրքրվեցին, իսկ ինչպե՞ս է Սերժ Սարգսյանի եղբորորդին՝ Նարեկ Սարգսյանը, ստացել Գվատեմալայի կեղծ անձնագիր։ Արթուր Վանեցյանը նշեց, որ չի կարող ասել, բայց առաջիկայում Նարեկ Սարգսյանի էքստրադիցիայի հարցը կլուծվի։
