14.11.2024 | 21:56
«Հրեշավոր լրահոսը» Փաշինյանի օրոք․ մեկ ասմվա ընթացքում երկու զինվոր է մահացել՝ խաղաղ պայմաններում. ՏԵՍԱՆՅՈՒԹ
ԱՄՆ Պետդեպը Վենեսուելայում իր դիվանագետների ընտանիքներին կարգադրել է լքել երկիրը
Քաղաքականություն
28.07.2017 | 11:16
ԱՄՆ Պետդեպը կարգադրել է Վենեսուելայում գտնվող ամերիկացի դիվանագետների ընտանիքներին լքել երկիրը, ինչպես նաև թույլատրել է Վենեսուելայում գտնվող ամերիկացի դիվանագետներին ինքնակամ տարհանվել. հաղորդում է ria.ru-ն:
«ԱՄՆ պետդեպարտամենտն իր քաղաքացիներին խորհուրդ չի տալիս այցելել Վենեսուելա՝ սոցիալական անկարգությունների, հանցագործությունների, ինչպես նաև սննդամթերքի և դեղամիջոցների անբավարարության պատճառով»,- ասվում է ԱՄՆ պետդեպի հայտարարության մեջ:
Նշենք, որ Վենեսուելայում ապրիլից զանգվածային բողոքի ակցիաներ են իրականացվում, երբ Գերագույն դատարանը վճռել էր սահմանափակել ընդդիմադիր Ազգային ասամբելայի լիազորությունները: Թեպետ որոշումը հետագայում չեղյալ էր համարվել, սակայն ընդդիմության կողմնակիցները դուրս էին եկել փողոցներ՝ պահանջելով դատարանի անդամների հրաժարականը, ինչպես նաև արտահերթ ընտրությունների անցկացում:
Անկարգությունների հետևանքով զոհերի թիվը հասել է 100-ի:
