08.10.2026 | 11:42
Օտարերկրյա ռազմական կցորդներն այցելել են ՀՀ ՊՆ ռազմական ոստիկանություն
Ստամբուլում 7 հարկանի բնակելի շենքը մասնակիորեն փլուզվել է․ փլատակներում մարդիկ կան․ ՏԵՍԱՆՅՈՒԹ
Քաղաքականություն
08.10.2026 | 10:34
Ստամբուլի Մալթեփե թաղամասում փլուզվել է յոթհարկանի շենքի երեք հարկը։ Թուրքական լրատվամիջոցների հաղորդմամբ՝ դեպքի վայր են ուղարկվել հրշեջ ջոկատներ, AFAD-ի (Աղետների և արտակարգ իրավիճակների կառավարման նախագահություն), UMKE -ի(Ազգային բժշկական փրկարարական ջոկատ), ոստիկանության և բժշկական խմբեր։
Պաշտոնական տվյալների համաձայն՝ շենքում 12 բնակարան կա, որոնցում, ընդհանուր առմամբ, բնակվում էր 33 մարդ։ Փլուզման պահին շենքում գտնված մարդկանց թիվը դեռևս հայտնի չէ։
Շենքի առաջին երեք հարկերը փլուզվել են, վերին հարկերում գտնվողներին փրկել են որոնողական-փրկարարական խմբերը: Պարզվել է, որ առաջին հարկն արհեստանոց է եղել, փլուզման պահին այնտեղ ոչ ոք չի եղել: Շենքի փլատակներից ողջ են դուրս բերել 14-ամյա մի տղայի, որի կյանքին վտանգ չի սպառնում։
Անատոլիայի գլխավոր դատախազությունը հետաքննություն է սկսել միջադեպի վերաբերյալ։ Ստամբուլի նահանգապետ Դավութ Գյուլը ժամանել է դեպքի վայր։
«Այս շենքը կառուցվել է 1987 թվականին։ Ընդհանուր առմամբ, կա 12 բնակարան։ Այնտեղ բնակվողների թիվը 33 է։ Վնասվել է 4 բնակարան։ Մեր տվյալների համաձայն՝ այդ 4 բնակարաններում գրանցված է 14 մարդ։ Պարզվել է, որ այնտեղ բնակվողներից 2-ը գտնվում են իրենց հայրենի քաղաքներում, իսկ մնացած 5-ը փրկվել են։ Կապ է հաստատվել 7 մարդուց 4-ի հետ։ Մնացած 3 մարդկանց համար որոնողական-փրկարարական աշխատանքները շարունակվում են»,- ասել է նա։
Թարգմանությունը՝ Էմմա Չոբանյանի
