03.11.2026 | 17:34
Բյուջե-2027-ի նախագծի քննարկումն ԱԺ հանձնաժողովներում. ՈՒՂԻՂ
Կրեմլը հաստատել է՝ Թուրքիայի C-400-ները ՌԴ-ի բարեկամ երկրին փոխանցելու հարցով քննարկումներ են ընթանում
Քաղաքականություն
30.09.2026 | 16:32
ՌԴ նախագահի մամուլի քարտուղար Դմիտրի Պեսկովը հաստատել է, որ Թուրքիայից C-400 համակարգերը Ռուսաստանի բարեկամ երկրներից մեկին փոխանցելու հնարավորության հարցն իսկապես օրակարգում է, փոխանցում է Ինտերֆաքսը։
«Նման թեմա օրակարգում կա, համապատասխան աշխատանք է տարվում, իրականացվում են համապատասխան շփումներ»,- ասել է նա։
Ճեպազրույցի ընթացքում նրան խնդրել են մեկնաբանել ՌԴ արտաքին գործերի նախարար Սերգեյ Լավրովի վերջին հայտարարությունը, ըստ որի՝ Ռուսաստանը կարող է դիտարկել Թուրքիայից C-400 համակարգն իր բարեկամ երկրներից մեկը տեղափոխելու հնարավորությունը, սակայն առայժմ նման հարցումներ չեն ստացվել։ Նա հստակեցրել էր, որ նման փոխանցումն անհնար է առանց Ռուսաստանի համաձայնության։
Թուրքիան 2017 թվականին Ռուսաստանից ձեռք է բերել C-400 հակաօդային պաշտպանության համակարգերի չորս դիվիզիոն՝ 2,5 միլիարդ դոլար արժողությամբ։ 2019 թվականի հոկտեմբերին «Ռոսօբորոնէքսպորտ» ընկերությունը, որը ներառված է «Ռոստեխ» պետական կորպորացիայի կազմում, հայտնել էր, որ համակարգերի մատակարարման պայմանագիրը կատարվել է։ Ռուսաստանի և Թուրքիայի միջև այս համակարգերի մատակարարման պայմանագրի կնքումից հետո Անկարան հեռացվել է F-35 կործանիչների ամերիկյան ծրագրից։
Թարգմանությունը՝ Էմմա Չոբանյանի
