11.10.2026 | 11:47
Երեք քաղաքացի մոլորվել է Լանջազատի մոտակայքում․ փրկարարները գտել են նրանց
«Ոտքով ԱԺ էի գալիս, միրգ վաճառող ձյաձ Գառնիկն ասեց՝ փոխանցեմ, որ ձեր ճակատին դաջված ա ընտրակեղծարար»․ Մեսրոպ Մանուկյան․ ՏԵՍԱՆՅՈՒԹ
Տեսանյութեր
17.09.2026 | 18:00
Ազգային ժողովում ԿԸՀ գործունեության վերաբերյալ քննարկումների ժամանակ ընդդիմադիր գործիչ Մեսրոպ Մանուկյանը, դիմելով ԿԸՀ նախագահ Վահագն Հովակիմյանին՝ հայտարարեց, որ աշխատանքի գալիս ոտքով է քայլում և շփվում քաղաքացիների հետ և մի դեպք պատմեց։
«Ձեր անունը որ տվեցի, էդ բոլոր հանդիպումներից կընտրեմ ամենամեղմ որակավորումը, որը տվել ա միրգ վաճառող ձյաձ Գառնիկը։ Ասել ա՝ իրան կփոխանցես, որ իրա ճակատին դաջված ա «ընտրակեղծարար»։ Էն մնացածն ավելի վատ բաներ էին ասել»,- ասաց Մանուկյանը։
Մանուկյանի այս հայտարարությունից հետո իշխանական պատգամավորները տեղից սկսեցին վրդովված արձագանքել, ինչի հետևանքով դահլիճում իրավիճակը մի պահ լարվեց։
Միջամտեց նիստը վարող ԱԺ փոխնախագահ Վահագն Ալեքսանյանը՝ կարգադրելով անջատել Մանուկյանի խոսափողը և կոչ անելով լռություն պահպանել։
«Եթե մենք սկսենք փոխանցել, թե քաղաքացիներն առհասարակ ինչ կարծիք ունեն և ում ճակատին ինչ է փակցված՝ Ձեր կողքի երիտասարդի, պարոն Քոչարյանի կամ նրա քաղաքական թիմի առաջնորդի ճակատին ինչ դաջվածքներ են փոխանցում, ինձ թվում է՝ այս նիստը հեչ հաճելի եզրափակում չի ունենա Ձեզ համար։ Էնպես որ՝ առաջարկում եմ առանց դրա»,- զգուշացրեց Ալեքսանյանը։
Իր հերթին ԿԸՀ նախագահ Վահագն Հովակիմյանը նշեց, որ բարձրաստիճան պաշտոն զբաղեցնելուց հետո էլ չի խուսափում հանրային շփումներից.
«Մեր ընտանիքի առևտուրը ես անձամբ եմ անում, Սիլիկյան թաղամասում անընդհատ շրջում եմ և երբեք մարդամեջ դուրս գալուց չեմ խուսափել։ Իմանալով, որ ես ի պաշտոնե քաղաքական չեզոքություն պետք է պահպանեմ ու չեմ կարող նույն կերպ պատասխանել՝ վիրավորանքներ հնչեցնելն ազնիվ չէ»,- ասաց Հովակիմյանը։
Մանրամասները՝ տեսանյութում։
Անի Թամրազյան
