05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Ռուսաստանը հարվածել է Ուկրաինայում British American Tobacco ծխախոտի գործարանին
Քաղաքականություն
07.09.2026 | 20:16
Ռուսական հարվածի հետևանքով Չեռնիգովի մարզի Պրիլուկի քաղաքում հրդեհ է բռնկվել միջազգային British American Tobacco (BAT) կորպորացիային պատկանող ծխախոտի գործարանում։
Ձեռնարկության աշխատակիցների խոսքով՝ հրդեհվել է ծխախոտի արտադրամասի տանիքը։ Հրշեջները շարունակում են մարել կրակը։ Հարձակման պահին գործարանի աշխատակիցները գտնվել են ապաստարանում, ուստի տուժածներ չկան։ Մի կնոջ բժշկական օգնություն է ցուցաբերվել սուր սթրեսային արձագանքի պատճառով։
The Insider-ի փոխանցմամբ՝ այս գործարանը Ուկրաինայի ամենահին ծխախոտի ձեռնարկություններից մեկն է։ Այն հիմնադրվել է 1889 թվականին։ 1993 թվականին «British American Tobacco Industries»-ը և «Պրիլուկիի ծխախոտի գործարան» կոլեկտիվ ձեռնարկությունը ստեղծել են «BAT-Պրիլուկի» համատեղ ընկերությունը։
Նշենք, որ ավելի քան երկու շաբաթ առաջ Ռուսաստանի հարվածի հետևանքով Զապորոժիեում ոչնչացվել էր «Խորտիցա» խոշոր ալկոհոլային խմիչքների գործարանը։ Ձեռնարկությունը հարձակման էր ենթարկվել օգոստոսի 27-ին, և դրա սեփականատեր «Global Spirits»-ի գնահատմամբ՝ այն վերականգնման ենթակա չէ։
https://factor.am/1055916.html
