07.09.2026 | 17:54
Արարատ Միրզոյանն ու Լատվիայի ԱԳ նախարարը արձանագրություն են ստորագրել
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
Քաղաքականություն
07.09.2026 | 17:24
ԱՄՆ նախագահ Դոնալդ Թրամփի փեսա Ջարեդ Քուշների և ԱՄՆ նախագահի հատուկ բանագնաց Սթիվ Ուիթկոֆի միջև Մոսկվայում և Կիևում կայացած բանակցությունները խաղաղության ուղղությամբ քայլ են։ Այս մասին ասել է Ռուսաստանի նախագահ Վլադիմիր Պուտինի մամուլի քարտուղար Դմիտրի Պեսկովը, գրում է BBC-ի ռուսական ծառայությունը։
«Իհարկե, ցանկացած ավելի կամ պակաս արդյունավետ փորձ խաղաղության ուղղությամբ մեկ փոքր քայլ է։ Եվ մենք իսկապես շատ բարձր ենք գնահատում ամերիկացի բանակցողների խաղաղարար ջանքերը», – երկուշաբթի լրագրողներին ասել է Պեսկովը։
Սակայն նա հրաժարվել է խոսել ամերիկացի բանակցողների առաջարկների բովանդակության մասին՝ Ռուսաստանի և Ուկրաինայի միջև խաղաղության հասնելու վերաբերյալ։ Պեսկովը հավելել է, որ Մոսկվան դեռևս տեղեկություններ չունի Կիևում ամերիկացի ներկայացուցիչների միջև շփումների արդյունքների մասին։
Կրեմլի խոսնակը նաև ենթադրել է, որ բանակցություններից հետո կարող է տեղի ունենալ Վլադիմիր Պուտինի և Դոնալդ Թրամփի միջև հեռախոսազրույց։
Ուիթկոֆի և Քուշների այցից հետո Ուկրաինայի նախագահ Վոլոդիմիր Զելենսկին հայտարարել էր, որ բանակցություններում Ուկրաինայում խաղաղություն հաստատելու «մի քանի նոր գաղափարներ» են եղել։
Ուիթկոֆն իր հերթին հայտարարել է, որ կողմերը պատրաստում են նոր եռակողմ հանդիպում, որին կմասնակցեն Ուկրաինայի, ԱՄՆ-ի և Ռուսաստանի պատվիրակությունները։ Անցած տարվա ընթացքում արդեն տեղի են ունեցել մի քանի նման գագաթնաժողովներ, սակայն դրանք դադարեցվել են փետրվարին՝ Իրանի դեմ ԱՄՆ-Իսրայել պատերազմի սկսվելուց հետո։
Հավելենք, որ Ուիթքոֆն ու Քուշները սեպտեմբերի 5-ին այցելել էին Մոսկվա և հանդիպել Վլադիմիր Պուտինի հետ, իսկ հաջորդ օրը Կիևում հանդիպում ունեցել Վլադիմիր Զելենսկիի հետ։ Սա նրանց առաջին այցն էր Ուկրաինայի մայրաքաղաք պատերազմից սկսվելուց ի վեր։
Թարգմանությունը՝ Էմմա Չոբանյանի
