26.10.2026 | 11:04
Զբաղվածության ապահովման ծրագիր. նոր հնարավորություններն ու փոփոխությունները. ՈՒՂԻՂ
Ֆուտզալի Չեմպիոնների լիգա. Հայաստանի չեմպիոնը նվաճեց հաջորդ փուլի ուղեգիր
29.08.2026 | 22:02
Ֆուտզալի Հայաստանի չեմպիոն և գավաթակիր «Յունիսպորտը» Չեմպիոնների լիգայի նախնական փուլի երկրորդ տուրում 5:2 հաշվով հաղթեց գերմանական «Վայլիմդորֆին» ու նվաճեց հաջորդ փուլի ուղեգիր։
Երևանյան ակումբի կազմում դուբլի հեղինակ դարձան Ռաֆիկ Մելիքյանն ու Պուտրուս Վասիլևը, մեկ անգամ էլ աչքի ընկավ դարպասապահ Բեկբոլոտ Ակմատալիևը։
«Յունիսպորտը» 9 միավորով հաղթեց E խմբում, որի հանդիպումներն անցկացվեցին Երևանի Ֆուտբոլի ակադեմիայի մարզադահլիճում։
Նախորդ երկու խաղում «Յունիսպորտը» 5:1 հաշվով ուժեղ էր գտնվել էստոնական «Տալինից» ու 14:1 հաշվով հաղթել էր իսլանդական «Ռեյկյավիկին»։
«Յունիսպորտը» պայքարը կշարունակի Չեմպիոնների լիգայի հիմնական փուլում, որը կանցկացվի հոկտեմբերի 27-ից նոյեմբերի 1-ը։
Դավիթ Եղիազարյան
