28.08.2026 | 19:15
Նոր ազգային ստադիոն, ևս 300 դպրոց, 5 անգամ քիչ մանկապարտեզ․ ինչ կա Կառավարության նոր ծրագրում
«Ինտերի» նախագահն անդրադարձել է Չեմպիոնների լիգայի վիճակահանությանը
28.08.2026 | 18:35
Իտալիայի չեմպիոն «Ինտերի» նախագահ Ջուզեպե Մարոտան մեկնաբանել է Չեմպիոնների լիգայի հիմնական փուլի վիճակահանության արդյունքները։
«Վստահ եմ, որ մեզ հիանալի Լիգայի փուլ է սպասվում, թեև նոր ձևաչափով ինտրիգը պահպանվում է մինչև վերջին տուրը, և դու չես կարող վստահ լինել, որ շարժվելու ես առաջ։
Մենք միշտ հավակնոտ ենք, սպորտում այլ կերպ հնարավոր չէ։ Սակայն ամբիցիաները չեն նշանակում ամբարտավանություն։ Վերջին տարիներին «Ինտերը» կարևոր ճանապարհ է անցել, և մեր պարտականությունն է նվիրվել 100 տոկոսով ու հարգել այսպիսի մեծ ակումբի պատմությունը։
Միևնույն ժամանակ, մենք ունենք երազելու իրավունք: Երբ երազանքները դառնում են իրականություն, դա տեղի է ունենում մեզ նման մարդկանց շնորհիվ, ովքեր պատրաստ են գործել»,- Ջուզեպե Մարոտայի խոսքը մեջբերում է «Ինտերի» մամուլի ծառայությունը։
Հիշեցնենք, որ Չեմպիոնների լիգայի հիմնական փուլում «Ինտերը» մրցելու է անգլիական «Լիվերպուլի», Մադրիդի «Ռեալի», Դորտմունդի «Բորուսիայի», բելգիական «Բրյուգեի», ուկրաինական «Շախտյորի», նիդերլանդական «Ֆեյենորդի», գերմանական «Շտուտգարտի» և Բրատիսլավայի «Սլովանի» հետ։
Դավիթ Եղիազարյան
